تحدث رئيس الزمالك عن مصير المدير الفني للفريق ميلوتين سريدوفيتش “ميتشو”، قائلًا إنه أخطأ في إدارة مباراة مصر، لكنه لا يتحمل المسئولية وحده.
وعلق رئيس الزمالك، في مداخلة هاتفية لبرنامج “الزمالك اليوم”، في قناة “الحدث اليوم” عن مطالبات البعض بإقالة ميتشو: “مش ميتشو دة اللي كان عبقري؟ ماهو مش هينزل يجيب أهداف بنفسه، عمر السعيد وأوباما مضيعين 100 فرصة كانوا ممكن يخلصوا الناتش بيها”.
وأكد أن ميتشو له أخطاء في المباراة قائلًا: “غلطة ميتشو إنه باصص على مباراة الأهلي من دلوقتي، وفي وقفة معاه وهنقعد معاه، لكن ميتشو قد فايلر بتاع الأهلي 100 مرة، لكن فايلر ربنا موفقه”.
وأضاف في حديثه: “أنا قرفان لأني قولتله إمبارح قبل ماتش مصر، إنسى ماتش الأهلي دلوقتي وخلينا في الماتش الجاي، وأمير مرتضى قاله كدة، لكني مش هضربه، عمل خطأ وهيتحاسب عليه”.
رئيس الزمالك: مدرب اللياقة البدنية السابق طلع مدرس ألعاب
وعن مطالبات البعض بإقالة ميتشو: “دلوقتي عايزني أمشيه؟ مش لما كنت بمشي مدربين كنتوا بتعيطوا؟ بحاول أحافظ على قوام الفريق ومش عاجب برضو، ميتشو مش هيمشي غير بنهاية الموسم”.
وتابع: “في أخطاء طبعًا، وأولهم مدرب اللياقة البدنية السابق اللي اتضح إنه مدرس ألعاب، ربنا يسامح اللي جابه، والمدرب اللي مع ميتشو وصل إمبارح”.
وأشار رئيس القلعة البيضاء، إلى أن الزمالك لم يلعب بقوامه الأساسي: “مالعبناش بقوامنا الأساسي، ولسة عندنا 4 بطولات ننافس عليها”.
