اخبار الزمالك

ناشئ الزمالك يهاجم مجلس الإدارة يدعم ابناء المنافس ويترك ابنائنا!!.. اعرف السبب

ابدى محمود حسن ناشئ الزمالك غضب كبير بعد إخطاره من جانب مجلس إدارة النادى بفسخ عقده عقب الاصابة بالصليبى الذى تعرض لها ، حيث أشار اللاعب انه مرتبط بعقد لخمس سنوات مع النادى ومع ذلك رفضو استكمال العقد أو حصوله على مستحقات السنة الأخيرة.

يأتى ذلك بعد اسبوعين فقط من إعلان مرتضي منصور وأبنائه استعدادهم لتحمل تكاليف الخائن للزمالك مؤمن زكريا لاعب الأهلي الحالى ، حيث أعلن منصور استعداده تحمل تكاليف علاج مؤمن زكريا واليوم يتم التخلي عن أحد أبناء النادى

وكتب محمود حسن عبر حسابه الشخصي فيس بوك : بسم الله الرحمن الرحيم.حابب أوضح حاجه لجماهير نادي الزمالك.انا اتصابت يوم 26-6 في مُعسكر اكتوبر ، وفضلت شهرين في موضوع الورق وبنخلص الحاجه و الكلام ده وعملت العملية يوم 22-8-2019 الحمدلله ، رغم ان مجلس الادارة يعلم بوافاة ولدتي يوم العملية وظروفي بعد ما عملت العملية ، وبعد ما رجعت من المانيا طلعت عشان اشكر ” سيادة المستشار ” ف لقيت كاميرات واطلب مني اني اعمل فيديو اشكر فيه مجلس الادارة و النادي علي العملية ومصاريفها وعملت الفيديو وشكرت النادي اللي خيره عليا ، بعد ما عملت الفيديو ” أ. امير مرتضي ” قالي انت مش علي ذمة النادي ، بعد ما لعبت في النادي 17 سنه ، العب يا محمود حاضر اتصعد يا محمود حاضر اطلع بره الاسكور حاضر ، ومكنتش بقدر افتح بوقي عشان خاطر النادي اللي اتربيت فيه واترفضلي 7 اعارات الموسم اللي فات ، ومردتش اتكلم وساكت عشان خاطر انا ابن النادي واهم حاجه استقرار النادي آولا ، كل ده قولت يمكن ارجع تاني بعد ما اخلص الجلسات ، النهارده ” أ. احمد مرتضي ” كلمني بيقولي انت مش هينفع تاخد فلوس عشان انت مش علي ذمة النادي ، والحاجه الوحيده اللي نقدر نساعدك فيها ان نوديك فرقة لما ترجع في شهر واحد ، وانا كنت ماضي خمس سنين عدي سنتين وكده لسه فاضل في عقدي 3 سنين ، وحتي النادي مدانيش السنه اللي اتصابت فيها ، والنهارده تم الاستغناء عني رسمي. شكرًا نادي الزمالك

تعليقات زوار الموقع

اخبار ذات صلة