كشف أحمد حسام ميدو نجم الزمالك السابق والمدير الفنى السابق للقلعة البيضاء، كواليس رفضه لفكرة التعاقد مع عصام الحضرى حارس المنتخب الوطنى السابق، عندما كان يتولى الإدارة الفنية للزمالك عام 2013.
وكشف “ميدو” أن المستشار مرتضى منصور، رئيس نادى الزمالك اتصل به قبل مواجهة وادى دجلة فى نصف نهائى الكأس بيومين، وأخبره بأنه حصل على توقيع عصام الحضري.
وأشار “ميدو” أنه أخبر رئيس الزمالك بتأجيل الحديث فى هذا الملف لما بعد إنتهاء لقاء الكأس، وتابع قائلا” عملت اجتماع ساعتها مع محمد صلاح وعبد الحليم علي قولت لهم كلام مرتضى لي محمد صلاح قالي منبقاش رجالة لو الحضري دخل النادي تاني بعد ما سب النادي في قلب الملعب وعبد الحليم قال نفس الكلام وده كان رأيي برضو فقلت لهم محدش يتكلم في حاجة لغاية ما نعدي الماتش”.
وأضاف “ميدو” في “لايف” له منذ قليل عبر حسابة الشخصى على “إنسجرام”، ” بعد الماتش كسبنا ومرتضى كلمني يبارك لي قلت له كنت كلمتني على الحضري وانا بقولك اني رافض انا والجهاز عشان ده سب النادي مرتضى قالي معرفش حاجة عن الواقعة دي قولت له ممكن تتأكد هو فنيًا جيد لكن مينفعش يدخل النادي بعد ما سبه”.
وتابع: “مرتضى رجع كلمني بالليل لما انا طلعت قلت في الإعلام الحضري مش هيلعب فى الزمالك طول ما انا المدرب قالي مكانش ينفع تطلع تقول كدة غير لما ترجع لي بس عموما انا تأكدت من الواقعة وانا معاكم والحضري مش هيدخل النادي تاني”
