هاجم مخرج البرامج والمباريات الاهلاوي الانتماء ” محمد نصر الدين ” عبر صفحته الشخصيه عبر موقع التواصل الاجتماعي فيسبوك اللاعب احمد فتحي بعد رفضه للتجديد للنادي الاهلي .
ونشر محمد نصر عبر حسابه الشخصي فيسبوك ” سكرين شوت ” لرسالته مع احمد فتحي بالامس وكتب عليها التالي :-
” جمهور الاهلى على حق لما قال يالا يااخ فتحى امشي خد الأخ عبد الله وأمشي ..
ياراجل مش اسلوبى ابدا انزلت شات بينى وبين اى مخلوق وأول وآخر مرة اعملها ..بس انت لحد ١ الفجر امبارح بتقولى خير ان شاء الله ونفس الكلمة قولتها لى فى التجديد الى فات يعنى مش كلمة مطاطة مثلا..طب ليه الخداع ..
انت راجل يافتحى ف الملعب وبحبك اكتر مما تتصور بس بحب الكيان اكتر من اى مخلوق..لكن انت زيك زى عبد الله السعيد حرام الحب الى انت خدته مننا العمر ده علشان انتم عبيد المال..
حتقولى بأمن حياتى ليه ٢٢ مليون جنيه صافى الضرائب وأنت ٣٦ سنةً يعنى ايه ومش حتلعب أساسي كل ماتش ايه الجحود ده
٢٢ مليون وأنتم بين أيد الله والكورونا شغالة ..
٢٢مليون مش عاجبك ف سنتين صافى الضرائب ودكتور بيعيد الحياة للناس ف الحجر والعزل بياخد ملاليم ودكتورالجامعة بياخد ملاليم بالنسبة ليكم
٢٢ مليون والدولة بتصرف ٥٠٠ جنيه للناس الى مش لاقية تأكل
فعلًا احنا بقينا بلد غير رجال جمع الأموال ( رجال أعمال سابقا )هى بلد الفنانين ولعيبة الكورة الى معاهم الشهرة والفلوس ومعظمهم زائف لانهم بيضحكوا على الغلابة من المصريين ويكسبوا ملايين وجايين على نفسهم يعنى وبيمثلوا مسلسلات رمضان بالكمامات بيتعبوا ياعينى علشان نعيش
يارب ارفع الغمة عن الأمة وارفع عنا البلاء من فيروس كورونا وفيروس الفساد والجشع ”
