صوره | عضو مجلس إداره الاهلي السابق يفتح النار على الخطيب.. إحنا بنتهان وذلتنا وفضحتنا

هاجم خالد حبيب عضو مجلس إدارة الاهلي السابق والذي كان مرشح في الانتخابات الاخيره في قائمه محمود طاهر , رئيس النادي الاهلي الحالي محمود الخطيب.

ونشر خالد حبيب على حسابه الشخصي عبر موقع التواصل الاجتماعي ” الراجل مستمتع انه يفضحنا. و احنا مصرّين اننا نهين نفسنا. او بمعنى اصحّ ، همّا مصرِّين انهم يهينوا نفسهم. عشان احنا انضف و اكبر من كده. حتى في ايّام ربنا بيقول لنا فيها نفوق و نستغنى، فيه ناس بتختار الذل و المهانة. لا حول و لا قوة الّا بالله. دول مش الاهلي. لا يمثلوننا ”

وواصل ” عن كرامتك..
فيه نوعين من الكرامة. الكرامة بتاعت عبد السلام النابلسي في الفيلم بتاع زمان. الّي هو يعمل كل حاجة تضيّع كرامته، و بعدين يعيّط و يقول الكرامة يا غجر. و فيه النوع التاني الّي هم بتاع الناس المحترمين. الّي عندهم كرامة و عايزين يحافظوا عليها. و الكرامة و الحفاظ عليها ليهم قواعد:
– ما تمدّش ايدك لحاجة مش بتاعتك. هتبقى حرامي.
– ما تقبلش عزومة مش هتعرف تردّها. هتبقى شحات.
– ما تدخلش اجتماع و انت مش مذاكر. هيبهدلوك.
– ما تشتريش حاجة ليك بفلوس غيرك. هيعايرك و يتحكم بفلوسه.
– ما تحكيش حاجة سر لحد انت عارف انه بيحب يفضح. هيفضحك.
– ما تطلبش حاجة من حد و انت عارف ان ليها تمن. هتدفعه في أسوأ الأوقات.
– ما تصاحبش حد اقل من مستواك. هيشدّوك لتحت.
– ما تصاحبش حد اعلى من مستواك. هيذلّوك.
– ما تعملش عارف و فاهم و انت مش عارف و لا فاهم. هيشتغلوك.
– ما تشتغلش مع حرامية و لا فاسدين. هتقبلهم و بعدين هتبقى زيّهم.
– ما تبرّرش الغلط بالعند. هتغرس في الوحل اكتر.
– ما تسمعش نصيحة من صاحب مصلحة. هتغرق و هيسيبك.
– ما تاخدش قرار تحت اغراء نجومية و اضواء او تحت ضغط عشوائية و غوغاء او تحت خوف صورة و سمعة. اي قرار بدون منطق هيعوّر.
– لو ما تعرفش قول. لو غضبان ما تتكلمش. لو مش قدّها سيبها. لو غلطان ارجع عن الغلط. ما تكابرش.
انك يبقى عندك كرامة مشوار طويل.. انك تحافظ عليها مشوار اطول.. عايزة إرادة و ثقافة و معرفة.. عايزة وعي و صبر و تواضع.. عايز واحد متربّي و مستغني.. كرامتك..
#خالد_حبيب_تفاءل ”

ونشر المستشار تركي ال شيخ عبر حسابه الرسمي عبر موقع التواصل الاجتماعي ” فيسبوك ” توضيح بان الخطيب قام بالاتصال به وشرح له وجهه نظره وتقبلها.

وأكد تركي ال شيخ ان الاهلي سيعوض أحمد فتحي بلاعب كبير خلال الفترة المقبله.

وشدد تركي ال شيخ أن على جماهير الاهلي الا تحزن بعد رحيل أحمد فتحي الظهير الايمن وانه سيقوم بتعويضه الفترة المقبله.

ونشر تركي ال شيخ التالي :-
” انتو عارفين سبب ابتعادي الفتره اللي فاتت … لكن تلقيت اتصال اليوم من رئيس مجلس ادارة النادي الاهلي اخي الكابتن محمود الخطيب ووضح لي وجهة نظره وتقبلتها … وعشان جمهور الاهلي مايباتش زعلان … اللي يمشي يمشي نجيب قدّو مية مرة …

#دنا_العند_بيقولي_يا_بابا ”