يري المستشار مرتضى منصور رئيس نادي الزمالك ضرورة استئناف منافسات الدوري العام الممتاز لكرة القدم أو إلغاءها، مؤكدا أن إدارات الأندية لن تتحمل الصرف على الأندية في ظل انعدام الموارد.
وقال “مرتضي” :” يوم 14 إبريل لو اللجنة المكلفة بإدارة اتحاد الكرة مااعلنتش إلغاء الدوري أو موعد استنافة هعتبر الدوري ملغي، ولو قالوا الوقف يمد هقله لا استب انا بالنسبالى الدوري خلص انا مش هلاقي ادفع بعد كده ، وساعتها هبلغ اللاعبين إن الدوري خلص”
واضاف رئيس نادي الزمالك خلال تصريحات تليفزيونية لقناة الزمالك ” انا مش بخاف وايدي مش مرتعشة وعلشان انت قاعد تقبض من الفيفا تقولى الايقاف شغال لا ياحبيبي مفيش الكلام ده”.
وتابع:” أنا مش محتاج درس في القوانين انا اللى كاتب قانون الرياضة في مصر واللى كاتب اللائحة الاسترشادية لاتحاد الكورة” موضحا ان فيما يخص تخفيض عقود اللاعبين فإن اللائحة تتص على خصم نسبه المشاركة من عقد اللاعب فى حال عدم مشاركتة مع الفريق وفي حال حصوله عليها فيتم خصمها من عقده في الموسم الجديد”.
