كشف المستشار مرتضى منصور رئيس نادي الزمالك دور الفارس الابيض في صفقة انتقال أحمد فتحي لاعب النادي الأهلي السابق لنادي بيراميدز.
وأعلن نادى بيراميدز أمس السبت عن اتمام التعاقد بشكل رسمي مع أحمد فتحي لاعب النادي الأهلي السابق لمدة ثلاث سنوات.
وقال “مرتضى”: “الكابتن الخطيب كلم ناس علشان أحمد فتحي ميرحش بيراميدز، وعلى مسؤليتى الشخصية بيراميدز كان طلع من الصفقة خلاص، لكن بعد ما انا قولت معنديش مانع نجيب احمد فتحي الأهلي ضغط على بيراميدز يخلص مع أحمد فتحي”
واضاف مرتضى في تصريحات تليفزيونية لقناة الزمالك :” الأهلي لما لقي الزمالك مرحب بفتحي قال لبيراميدز ابوس ايدك خد احمد فتحي علشان ميرحش الزمالك، وانا قولتها أحمد فتحي من أفضل اللاعبين في مصر، وأفضل من وليد سليمان اللى شغال ضرب بس في اللاعيبه مش بيلعب كورة”
وواصل:” بقول لجمهور الزمالك شوفوا الفرق في التعامل بينا في الزمالك مع اللاعبين الكبار وبين تعامل مجلس إدارة الأهلي مضيفا:” بقول لشوبير بعد عقد محمود علاء مش عاوز اسمع صوتك”
