كشف جمال حمزة نجم نادى الزمالك السابق، عن كواليس توقيعه للنادي الأهلى فى وقت سابق، مشيرًا إلى أنه عقدة انتهاء مع نادى الزمالك وسافر بعدها إلى ألمانيا للإنضمام إلى نادى “ماينز” وبعدها إلى نادى الجونة.
وكان جمال حمزة قد وقع للنادي الأهلي في مطلع موسم 2010- 2011، قبل ان يفسخ تعاقدة مع الأهلى سريعا دون أن يخوض أي مباريات بتيشرت الأهلي.
وقال “حمزة” الزمالك بدأ فترة الإعداد بتاعة الموسم الجديد ومحدش اتكلم معايا وبدات ابص على العروض اللى موجود قدامي، وكان أفضل عرض من الأهلي”
وأضاف “حمزة” خلال استضافته في برنامج “ملعب أون” على قناة “أون تايم سبورت” : “وقتها وكيلي تامر النحاس اتكلم معايا ان الزمالك مش موجود في الصورة وأنا متعود على البطولات وعلى اللعب”
وتابع: ” أفضل عرض وقتها كان النادي الأهلي وقعت اسبوع هنا فى الاول بتمرن معاهم وروحت معاهم ألمانيا بعدها معسكر قعدت 3 أيام، والمضوع كان صعب عليا جدًا خاصة وانت بتغير حياتك مش نادي”
وواصل: ” اتقابلت فى النادي الأهلي كويس، وكان فيه موضوع القيد في أفريقيا كان فيه مشكلة، وانا من جوايا كنت مستنى حاجة تحصل، ومصدقت مشيت ورجعت الجونة بعدها تاني”
وأختتم: ” بعد مارجعت الجونة وبدانا اول ماتش فى الدورى الزمالك رجع كلمني قولتلهم لازم ارجع للناس فى الجونة لانى خدت فلوسى، وساعتها إدارة الجونة قالت مستحيل نمشى جمال”.
جمال حمزة : كان هناك “خناقة كروية” بينى وبين ميدو على هذا اللقب| فيديو
