بعد مشادات تركي ال الشيخ وسراج .. قفشة كرامه البني ادم واحترامه لنفسه أهم من كل الفلوس – صورة
نشر محمد مجدي الشهير بـ”قفشه ” لاعب النادي الأهلي الحالي ولاعب بيراميدز السابق ستوري عبر حسابه الشخصي على موقع التواصل الاجتماعي ” انستجرام “.
حيث كتب قفشه عبر حسابه : ” أهم حاجة في حياه اي شخص بعد اسرته هي كرامته واحترامه وتقديره لنفسه.
ايا كان ده هيخسرك ناس او فلوس او شغل كله يهون قدام عزة نفسك وانك متسمحش لحد يقلل منك طول ما انت صح ومغلطتش ولا ظلمت ولا قصرت في حق حد.
قدر نفسك واحترمها عشان تفضل اعظم حد بالنسبالك.
وكان هاجم المستشار تركي ال الشيخ رئيس النادي الاهلي الشرفي , عضو مجلس إدارة الاهلي محمد سراج الدين عبر صفحته الرسميه على موقع التواصل الاجتماعي فيسبوك.
وقال تركي ال الشيخ : ” ارجع أسال هوا انتى مين عشان اكسر عينك؟ مالكش اي قيمة … بعدين اذا انا بحب الشو على كلامك على الاقل بدفع حق الشو الي بعمله.
مش زيك هارينا بابي ومامي وفي الاخر ناجح بفلوسي انا ودعمي انا؟! متعملش فيها راجل وبتاع كرامه وانتى اساساً الكرمه دي متعرفهاش الا في بوست فيس!
وبعدين انا مش حشتم في ابوك المحترم الي للاسف معرفش يربيك ولا اجيب سيرة ارض الطوب الرملي في الواحة في مدينة نصر وبقية الاراضي والشيك الي ب ١٠ مليون جنيه بدون رصيد لن كده حيزعل منك بابي.
لو عندك كرامه يابو كرامه يا اهبل كان اتصرفت وانا مرتين ارمي الاستقاله في وشك ومتقبلوهاش … واستقاله بين السطور فيها انه ميشرفنيش اكون رئيس ل نادي الاهلي العظيم الي بحبه وبحب جمهوره وفيه هلفوت في مجلس الاداره زيك … بتاع بابي ومامي ! دي اخر مره انزل ل مستواك وارد عليك ببوست … فاهمني.
قبل أن يرد عضو مجلس إدارة النادي الاهلي ” محمد سراج الدين ” على المستشار تركي ال الشيخ رئيس النادي الاهلي الشرفي بعد هجوم تركي ال الشيخ عليه ووصفه “بالهلفوت ” عبر صفحته الشخصيه.
ونشر محمد سراج الدين عبر حسابه الشخصي : ” هو انا متربي وهادي الحمد لله ودي نعمة ربتني عليها والدتي الأستاذة الجامعية ووالدي وهو لواء مدفعية سابق في الجيش المصري.
وتابع سراج , بس افتكر انه كان علمني كمان ان الكرامة دي اعلى واهم صفات الإنسان وان عمري ما اقبل اي تجاوز في حقي وانا بشفق عليك حقيقي لأنك ملقتش حد يربيك تربية سوية أو يعلمك ان مش كل حاجة المظاهر والشو والهبل اللي بتعمله ده.
وواصل محمد سراج , اللي خلاك مسخة أمام العالم كله في قيم ومعاني واصول اهم وأسمى من كده بكتير بس انت معذور متعرفهاش.
وأضاف , بحمد ربنا اني اتربيت في مجتمع سوي وانا مش بشوفك يا تركي ال شيخ من اول يوم غير واحد ناقص وجاهل وهفضل اشوفك كده على طول وعلى فكرة انت مش كاسر عيني وانت عارف كده كويس ولا عمرك هتقدر في أحلامك حتى تكسرها ولا انت ولا اتخن تخين.
