طبيب الزمالك يوجه رساله صادمه الي الدوله .. ويناشدهم بذلك الأمر ” هنندم في وقت لا ينفع فيه الندم ” – صورة
انتقد الدكتور محمد اسامه طبيب نادي الزمالك القرارات الاخيرة الصادرة بشأن استكمال الدوري المصري الحالي خلال الفترة المقبله.
وقال دكتور محمد اسامه عبر حسابه الشخصي على موقع التواصل الاجتماعي : ” ماهو لا إما اللجنه المسئوله عن إداره الازمه في مصر زهقت وعايزه تخلص فالقرارات بقت غير مدروسه، لإما احنا مش ماشيين علي منهج علمي وعاملين حساب كل خطوه ودي كارثه”.
وتابع طبيب الزمالك : ” احنا تقريبا دخلنا في المرحله اللي كلنا خايفين منها وهي ان نظامنا الصحي هايبان ضعفه، اتحدي ان في بيت في مصر ماعندوش مشكله بسبب كورونا سواء كانت توافر علاج، عمل مسحه او اشعه او حتي اتخاذ قرار (اروح مستشفي ولا لا؟ اعمل مسحه ولا لا؟ انا عندي كورونا ولا لا!!!؟) وغيره من الاسئله اللي اجابتها بتتغير كل يوم منا احنا حتي كداكتره”.
وواصل : ” لو سمحتوا اني اتعايش مع فيروس قاتل تقريبا خد من كل عيله او اصحاب واحد او اتنين، محتاج حاجات كتير اوي احنا اصلا نفتقدها من زمان مش بس اني هافضل اشوف برا بيعملوا ايه واقلدهم وخلاص”.
وتابع : ” احنا شعب ليه ثقافته وليه مفاهيمه ومعروف اولنا ايه واخرنا ايه، فلو سمحتوا رجاء بلاش قرارات نندم عليها لان ببساطه احنا مش قدها”.
واختتم حديثه : ” انا واحد ماقعدتش في بيتنا يوم لان ده شغلي ومتحمل عواقبه وفي زيي كتير اوي في مجالات كتير، لكن انك عايز تتعايش وكلنا نخسر فده مش معقول ولا مقبول”.
