مرتضى منصور : في 14 نادي رفضوا إستكمال الدوري ، و في 4 فرق موافقة الدوري يكمل ، خليهم هما يلعبوا بقى
أكد المستشار مرتضى منصور “رئيس نادي الزمالك” على أن 14 نادي رفضوا إستكمال مسابقة الدوري ، و هناك 4 أندية فقط وافقوا على إستكمال المسابقة .
و قال المستشار مرتضى منصور في مداخلة هاتفية على قناة الزمالك : الـ 14 نادي رفضوا ، و 4 أندية وافقوا يكملوا الدوري ، طب كملوا بقى الدوري بـ 4 فرق .
و تابع : هو الاهلي لو ماخدش الدوري السنادي القيامة هاتقوم ؟ ، ياعني محمود الخطيب لو القيامة قامت و إتحاسب هيتقالوا إنت ماخدتش الدوري ليه ؟
و أضاف : كل الأندية خايفة على لاعيبتها ، يا سيادة الوزير عشان الأهلي تموت حد ، إحنا مش خرفان و أنت بترضي الاهلي بأي شكل ، و عشان ماخدش أي بطولة .
و إستكمل تصريحاته قائلاً : بتقول إننا نتحمل اي نتايج تحدث عند الإصابة ، بأي منطق تتكلم احنا مش هانتحمل مسئولية حد يموت ، أنت بتقابل الخطيب و لما اكلمك متردش وتركي يكلمك متردش ، بتعمل مداخله مع كل الاهلاويه وقناة الزمالك ترفض
احنا بنحترمك يا سيادة الوزير و بنقدرك بس الأندية مفيهاش جنيه تصرف ، و الشركة الراعية واقفة .
