اكد الفرنسي باتريس كارتيرون المدير الفني للزمالك ان الجهاز الفني للفريق يسابق الزمن من اجل تجهيز اللاعبين للفترة المقبلة، مؤكدا انه سعيد بالاداء الذي قدمة الفريق امام سموحة.
وقال “كارتيرون” :” ده اول ماتش ودي وبعدة فيه ماتشين كمان والنهاردة خلينا اللاعبين 60 دقيقة في الملعب المرة الجاية هيكون 75 دقيقة من اجل رفع الحالة البدنية للفريق”.
واضاف “كارتيرون” في تصريحات تليفزيونية لقناة الزمالك ” الماتش الودي بالنسبالي زى الماتش الرسمي لازم نلعب زى الماتش الرسمي بالظبط مش عاوز اللاعيبة تنزل تقضى وقت وخلاص”
وتابع:” الشوط الاول كان الاداء كويس واللاعبين طبقوا التعليمات الشوط الثاني الرتم هدى شوية علشان كده حبينا ننشط بالتغييرات الجديدة”
وواصل:” الماتشين الجايين هنخلي الناس كلها تلعب، ولو كان اول ماتش في الدوري كنا هنبدا بنفس التشكيل مع مراعاة إيقاف شيكابالا وعبد الله جمعة وإمام عاشور”
ونجح نادي الزمالك في الفوز على سموحة بخمسة اهداف مقابل هدف وحيد في اول اللقاءات الودية للفريق إستعدادا لعودة النشاط الرياضي مجددا خلال الفترة المقبلة.
