اكد المستشار مرتضى منصور رئيس نادي الزمالك انه تفاجئ مع الساعات الأولى من صباح اليوم الأحد بتداول فيديو مفبرك له، وهو يسب بعض الأشخاص.
وكانت بعض صفحات مواقع التواصل الاجتماعي تداولت فيديو للمستشار مرتضى منصور رئيس نادي الزمالك وهو يسب الكابتن محمود الخطيب رئيس مجلس إدارة النادي الأهلي ومحمود عبد المنعم كهربا لاعب الفريق السابق.
وقال “مرتضى” :” انتوا عارفين انا بحارب دول وفيه ظابط مخابرات قطري اسمة أبو سنيدة، يتخابر معه مجموعة من المصريين ضدى على رأسهم ممدوح عباس وهاني العتال وابو المعاطي زكي وغيرهم، وبدا معايا من السنة اللى فاتت بإختراق تليفوني وبعت منه رسائل شتيمة لشخصيات عامة في الدولة”
وأضاف “مرتضى” في فيديو نشرة على صفحتة الرسمية على موقع التواصل الاجتماعي الإجتماعي:” بعدها ظخل على السيستم الخاص بإتحاد الكرة وبدأ انه يسرب عقود بعض اللاعبين، وكلمت الأجهزة الامنية قالولى متردش عليه ومردتش فعلا على الرغم من انه حاول يتصل بيا اكتر من مرة”
وتابع:” امبارح هو اللى نزل الفيديو ده على الساعة 2 وبعتلى رسالة يقولى انه نحج في إشعال الفتنة اللى هتولع في البلد، وطبعا مش انا اللى في الفيديو انا عمرى ما شتمت الخطيب بالشتيمة اللل في الفيديو، وايه المناسبة علشان اشتمه بالشكل ده، واللى في الفيديو كلهم لابسين شتوى فواضح ان الفيديو قديم وكهربا هربان بقاله سنه”.
وتسائل رئيس نادي الزمالك:” اشمعنى الفيديو خرج في الوقت ده علشان بعمل فتنه بين جمهور الزمالك والاهلي بعد الخلاف على موضوع تسجيل العلامة التجارية لنادي القرن”
https://youtu.be/aGHM8XbU-Jg
وواصل:” الفيديو اللى متركب فيه الصوت بيقول مفيش رجالة، ايوة فعلا مصر مفهاش رجالة فيها اسود يا تميم- حاكم دولة قطر- مش اشبهاة رجال زيك دول اسود وهيربوك انت وابوك وامك،
واكد رئيس نادي الزمالك ان الفيديو المتداول مفبرك ومزور وانه حرص على إصدار بيان مع الساعات الأولى من صباح اليوم الأحد، بالإضافة إلي بيان رسمي للنائب العام، وأنا مش مجنون علشان اقول الكلام ده ولو انا فعلا فين شفايفي وانا بتكلم”
