كشف الدكتور مدحت العدل ان الكابتن محمود الخطيب رئيس النادي الأهلي طلب منه في وقت سابق كتابة فيلم عن مسيرته الكروية.
وقال “العدل” :” الكابتن الخطيب قعد معايا قبل كده وطلب منى اكتب فيلم عن مشوارة الكروي.. وساعتها قولتلة لازم اللى يقوم بالدور يكون لاعيب حريف”.
واضاف “العدل” خلال استضافته في برنامج “اوضة اللبس” على قناة النهار :” وقتها قولت للكابتن الخطيب أحسن حد يقوم بالدور ده هو احمد حسام ميدو.. لانه حريف وناوى يعمل فيلم بعد كده عن حياتة”.
وتابع:” وقتها ميدو كان محترف في إنجلترا.. لكن الموضوع توقف ولم يتم تنفيذ المشروع.. والخطيب دايما بيكون حاضر معانا وقت تصوير اى اوبريت او عمل جماعي”.
واكد العدل ان الإعلام الرياضي هو المتهم الأول في التعصب الرياضي بين الجماهير، مشيرا إلى أن الإعلام الرياضي كان السبب الاول في حدوث الفتنة بين مصر والجزائر في عام 2010.
وقال “مدحت” :” الإعلام الرياضي يبيع التعصب للجمهور، ومفيش اي معايير او قوانين حد ماشي عليها.. وطالما مفيش قانون او حساب وعقاب يبقى الوضع مش هيتغير”.
