أنتقد المستشار مرتضى منصور رئيس نادي الزمالك تصريحات الكابتن أبو رجيلة التي ادلي بها اول امس الأحد في قناة الزمالك بعد نهاية لقاء سموحة الودي، والتي تحدث فيها عن رموز نادي الزمالك.
وكان ابو رجيلة قد اكد في تصريحاته ان الزمالك يمتلك العديد من الرموز واللاعبين على كافة العصور والذين استطاعوا تحقيق العديد من البطولات لنادي الزمالك.
وقال “مرتضى ” بقول للكابتن ابو رجيلة دى مش خناقة مرتضى منصور دى خناقة كيان كبير اسمة نادي الزمالك، والرموز اللى انت قولتها محدش بيرفع سماعة تليفون على رئيس النادي وكأن الحقد والغل ملى قلبهم ان مرتضي عمل الطفرات دى”
واضاف “مرتضى” في تصريحات تليفزيونية لقناة الزمالك: انا عملت اللى عليا وكرمتهم ودول رموز من ورق وعجوى لان الرمز ابن النادي ميسبش النادي وفين رموز نادى الزمالك دول ومحدش فيهم بيتصل ودى مش قضية مرتضى منصور انا مش هدخل الجنة لما الزمالك يبقي نادي القرن”
وتابع:” لما الزمالك يكسب تلاقي الناس تكتب وتفتح صدرها لكن محدش يجي ويسال، وبقول للكابتن ابو رجيلة انت محترم وانا بحبك وهاتلي واحد مريض او متوفي او على المعاش انا قصرت معاه وانا اكتر واحد حط فلوس في جمعية اللاعبين القدامي، وهما فين من قضايا النادي ومش عاوزهم يجي يرفعوا حتى سماعة التليفون”
