ميدو ينفعل ويخرج عن صمته لأول مرة على الهواء بسبب إنتخابات اتحاد الكرة “كفايه فساد ومحدش هيسيبكم” – فيديو

اكد أحمد حسام ميدو نجم الزمالك السابق أن اللجنة الخماسية المكلفة بإدارة اتحاد كرة القدم تسعى لتطوير الكورة المصرية من خلال إجراء العديد من الخطوات الهامة، مشيرا إلى أن اللجنة اتخذت خلال الفترة الماضية عدد من الإجراءات المهمة التي تحسب لهم.

وقال “ميدو” :” الناس جت وحاولت تصلح وعملوا الفار وعملوا اتفقيات مع مستشفيات في المانيا لعلاج الرياضيين وعملوا حاجات كتير كويسة في فترة صغيرة”.

وأضاف “ميديو” خلال تقديمة حلقة جديدة من برنامج “اوضة اللبس” على قناة النهار:” من الواضح ان الكلام ده مكنش على هواء الناس اللى كانت موجودة قبل كده، لان الناس اللى كانت موجودة قبل كدة اللى عملتوا اللجنة الخماسية في وقت قصير  ما هو الإ تعريه ليهم”.

وتابع “ميدو” في إنفعال :” الناس بدات تقول ان الناس اللى كانت موجودة ليه معملتش الكلام ده ليه.. والناس اللى كانت موجودة قبل كده كويسين بس دايما عندهم اجندة وهما شغالين، وهى انهم يفضلوا موجودين فى مكانهم فبداو يتلاعبوا باللوائح، ويفصلوا لوائح علشان يرضوا بعض الأندية، علشان الاندية دى هتكون سبب رئيسي انهم هيفضلوا في اتحاد الكورة”.

وواصل:” الناس السابقين دى على تواصل مع مسؤلين في الفيفا وبينقولهم معلومات غلط والنهاردة اتحاد الكورة في اجتماعة مع “فيرون” مسؤل الفيفا اكدوا ان المعلومات اللى اتقالت عنهم غلط وغير صحيحة”.

وأكمل” مثلا اللجنة الخماسية خدت قرار ان أعضاء الجمعية العمومية للأندية للإتحاد تكون 95 نادى بس مش 225 وده بيخلى ان الإنتخابات تكون نزيهة اكتر وبتقلل نسبة الفساد، لكن الناس الفاسدين مش عاوزين كده”

واكمل:” مش شرط يكون الفساد مادي لكن قمة الفساد ان تستغل اللوائح من أجل مصلحتك الشخصية، الفساد انك تجيب مستشارين تعينهم في اتحاد الكورة بمرتبات شهرية تصل ل 25 الف جنية شهريا وناس جوة الإتحاد تاخد عربيات من سنين والمسؤلين عارفين ان الكلام ده حقيقي”.

ووجه “ميدو” رسالة الى مسؤولي اتحاد الكرة السابقين قائلا:” اللي مشاكم الشارع واللى مش هيرضي انكم ترجعوا تاني بالظروف اللى انتوا عايزنها برضوا الشارع والشعب المصري مش بينسي انتوا مفكرين ان الناس عندها زهايمر، الناس فاكرة كويس جدا انتوا مشيتوا ليه علشان كان فيه فشل وفضايح لا يمكن السكوت عليها”