اخبار الكرة المصرية

محمد فضل عن الهجوم على اللجنه الخماسيه .. بسبب نجاحتنا وقرار تأجيل مباريات الكورونا ليس اختصاصي – فيديو

أكد محمد فضل عضو اللجنة الخماسية باتحاد الكرة، أن تقييم العاملين فى العمل العام عادة ما يكون مجحفا خلال عملهم، مشيرًا إلى أن الجميع يدرك حجم الجهد المبذول بعد الخروج من العمل العام.

وقال “فضل” : ” طول ما انت بتشتغل وتتعب الناس هتتكلم عليك، وفيه ناس عندها غيرة من النجاح، لكن فى النهاية انت مكمل، ولما بتطلع برة العمل العام الناس تبدا تشوف انت عملت ايه”.

وأضاف فى تصريحات تليفزيونية لبرنامج “البريمو” : ” طول ما انت فى العمل العام التقييم بيكون سلبى شوية او مش واخد حقك، واحنا بنفكر ومكملين فى تحقيق الأهداف بتاعتنا، ومنها على سبيل المثال تطبيق تقنية الفار”.

وأوضح عضو اللجنة الخماسية أنه لايمكن دعوة الجمعية العمومية للاتحاد إلا بعد إنتهاء الموسم الحالي، بعد الانتهاء من وضع تصنيف الأندية.

وتابع: ” إحنا مش فى خناقة وبنحاول نحتوى الجميع، ولازم اللاعبين والأندية يكون فيه وعي أكتر من كده، واحنا داعمين لاى نادى مصرى يحدث فيه إصابات بكورونا، ومقدرش أجزم بتأجيل مباراة الإسماعيلي والمصري”.

close