اخبار الكرة العالمية

محمد نصر يطلق قذائفه على رمضان صبحي : ” فاجر رسمي.. وخاين زى غيرة.. ومحدش يقول ابن الزفت” صورة

شن المخرج محمد نصر النار على رمضان صبحي لاعب فريق هيدرسفيلد والمنتهى إعارته للنادي الأهلي، وذلك بعد إعلان النادى الأحمر أن اللاعب رفض الاستمرار مع النادى وفضل الانتقال إلى نادى بيراميدز.

وقال “نصر” : ” اوعى تقولى ابن النادى وابن الزفت خلاص..شريف إكرامي ابن النادى خطط وخد نسيبه على بيراميدز معاه وده نادى معروف انه بتاع فلوس يعنى من يوم ماطلع وهو مولع اسعار اللعيبة طب كنت روحت الزمالك على الاقل طلعت من الأهلى لكيان كبير له اسم و تاريخ فى الكورة”.

وتابع: ” واذا كان الاخ رمضان طلب يروح بيراميدز علنا كدة يعنى فاجر رسمى ولا يستاهل اي شيء لان البيه صبحى بلغ الانجليز انه مش هيلعب فى مصر غير الاهلى قولت لك خليك صريح ودوغرى طلعت خاين زى غيرك وكى جى ون واقع من المراجيح .. وف الاخر راح كمل الاهرامات التلاتة لبيراميدز اكرامى بيه خوفو وفتحى خفرع وصبحى منقرع ..ده احتراف والاحتراف مافيش فيه ابن النادى فيه بس شخلل علشان تعدى.

محمد نصر يطلق قذائفه على رمضان صبحي : " فاجر رسمي.. وخاين زى غيرة.. ومحدش يقول ابن الزفت" صورة
وواصل: ” انت بقى يا استاذ رمضان ابو العلمين الاهلى دفع فيك ملايين علشان تلعب مع المنتخب الأوليمبي وتروح الاوليمبياد قولى عملت ايه انت للأهلى في اعارتك دى ..انا لا زعلان ولا يفرق معايا كمشجع مين راح فين يهمنى تكون راجل وصريح وبس بس للاسف انت طلعت بتقف على الكورة و لان جمهور الاهلى عارف مين يستاهل يبقى فوق الراس ومين رايح مزبلة التاريخ قلة الاصل أسلوب حياة”

تعليقات زوار الموقع

اخبار ذات صلة