نجح نادى الزمالك فى خطف فوز هام على نظيره إنبي فى المباراة التى جمعت الفريقين على أرضية استاد القاهرة الدولي، ضمن منافسات الجولة الـ23 من عمر بطولة الدوري العام الممتاز لكرة القدم.
ومن جانبه قال أحمد سيد “زيزو” : ” مفيش دوري في الدنيا بيتلعب زي مااحنا بنلعب احنا بنلعب كل 3 ايام اللعيبه مرهقه وتعبانه ومنقدرش نصلح الاخطاء ولا نرتاح ونعمل استفتاء كتر خير اللاعبين والجهاز الفني وبنحاول على اد ما بنقدر”.
وأشار : ” مباراة المقاولون فرصتين لهم بهدفين وانبي اليوم كانوا بيلعبوا زي المقاولون، واحنا بنعمل اللي علينا وشكلنا كويس وبنروح على الجول وفي توفيق وعدم توفيق مفيش حد مش عاوز يكسب”
وعن سؤالة هل زيزو بس اللي مستواه متأثر ؟؟ ممكن المدرب عاوز يغير بسبب التعثر أمام المقاولون لكن انا لا اعرف ما بداخل عقل المدرب، الفريق كله بيدرب نفس التدريبات وكلنا مجهدين انا بجتهد و يسعى لإحراز هدف وانا هداف الفريق بـ6 أهداف”
وتابع: ” لا اتابع السوشيال ميديا ولا استمع اللي بيعملوا سبوبة وبعذرهم علشان اكل عيشهم واهم حاجه بسمع كلام المدرب والجمهور هو المهم عندي ولكن من يهتم بالترند لا التفت لكلامهم، ومباراة بيراميدز ستكون صعبة”
