أعرب الكابتن إكرامي حارس مرمى الأهلي السابق، عن حزنه من مهاجمة الجماهير له عبر مواقع التواصل الاجتماعي.
وشنت بعض صفحات جمهور الأهلى على مواقع التواصل الإجتماعي هجوم حاد على إكرامي ونجله شريف بعد إعلان النادي الأهلى عن رحيل رمضان صبحي وتفضيلة اللاعب فى صفوف بيراميدز على مواصلة مشواره مع الأهلي.
وقال إكرامي خلال ظهوره بقناة dmc عبر برنامج مساء dmc: “أولاد صغيرين وميعرفوش تاريخ إكرامي، أهلهم معرفوش يربوهم دلوقتي بيشتموا العائله على السوشيال ميديا”.
وتابع: “أنا لم أحدث أحدا عن رأيي في الأهلي سواء شيء جيد أو غير جيد”
وأكد إكرامي ا أنه لا يعلم نهائيا بما سيحصل عليه رمضان صبحي في عقده الجديد مع أي فريق سينتقل له بعدما قرر عدم الاستمرار مع الأهلي.
وقال “إكرامي” : كل الأرقام اللي اتقالت مش مظبوطة أنا معرفش هياخد كام لو عارف هقول، وأنا لا أعلم نهائيا كم عرض الأهلي لضم رمضان صبحي، كل اللي أعرفه إن فيه عروض فقط من تركيا وإيطاليا ومعرفش عروض مصر ولا أعرف شيئا عن عرض بيراميدز”.
وأكمل: لو حد يعرف رمضان هياخد كام يقولي عشان مكنش زي الأطرش في الزفة، والأهلي لا يقف على لاعب نهائيا وأي نادي مش هيقف على لاعب حتى لو معاه ميسي”.
