فسر حسام عاشور قائد النادي الأهلي، توجيه الشكر للمستشار تركي آل شيخ رئيس هيئة الترفيه في المملكة العربية السعودية، على خلاف أزمته الأخيرة مع إدار الأهلي، وذلك بعد تصريحات المستشار تركي آل شيخ.
وقال “عاشور” : “لم أحسم قراري حتى الآن، وشريف اكرامي لاعب مميز وعنصر مهم ولكن هو أدرى بالحديث عن نفسه واكثر معرفة بمستقبله، الناس بتنتقدني اني لا اجيد الكلام هل لازم ابقى مجامل ومنافق عشان ابقى متحدث جيد انا اللي في قلبي على لساني”.
وأضاف خلال مداخلته في برنامج “الماتش” على قناة “صدى البلد”: “تركي آل الشيخ شخص محترم ووقف معي هو زعلان مني بس انا مكنتش قاصد اني ازعله لما حد اتزق عليا وسجل لي مكالمة، والأهلي بيتي وبحبه واعشقه دي حقيقة وواقع عمري ما عملت مشكلة مع اي حد”
وواصل:”عمري ما اغلط في الاهلي وخيره عليا انا وولادي بس مش لازم ألاوع في ناس مش عايزة تسمع الحقيقة انا مخنتش النادي الناس على السوشيال ميديا بتحاول تخلق ده”
وكان المستشار تركي آل شيخ قد صرح قائلا : “حصلت مشكلة حسام عاشور مع الاهلي بسبب تسرع من اللاعب .. انا متضايق منه بس مش معناها اني مش هقف جنبه بس لما وصلني مكالمة اتسربت عن فلوس بينا زعلت”
وتابع “عاشور ” الأهلي طلب مني الاعتزال قولت ماشي وانا قادر وروح لتركي قولت ماشي هل الزعل مني جه لما قولت لتركي شكرا، وتركي قالي طلباتك أوامر هل ده ميستحقش الشكر، لا غلطت في الاهلي ولا جمهوره”.
وأتم: ” لم ادخل الأهلي منذ ما حدث وقلة قليلة عايزين يوصلوا للناس اني خنت النادي .. في ناس عايزة تتربص بيا، أغلى بطولاتي هي دوري الابطال على حساب الصفاقسي بهدف أبو تريكة كنت أتمنى أن أصبح أكثر لاعب في العالم تحقيقا للبطولات وكان فاضل لي ٥ بطولات فقط ولكن قدر الله ما شاء فعل”
