أكد حسام عاشور لاعب النادي الأهلي أنه كان حريص طوال مسيرتة مع النادي على عدم إفتعال أى ازمة مع الفريق على مدار 16 عام قضاهم داخل جدران النادي الأهلي، مشيرا إلى أنه كان يتمنى ان يختم حياته في النادي الأهلي.
وقال “عاشور” :” طوال 16 سنه قضتهم في الأهلي معلمتش ازمة مع حد وكنت بمضي على بياض فعلا، وعمرت ما عملت مشكلة مع حد او حد سمع عني اى مشكلة”.
واضاف خلال تصريحات تليفزيونية لبرنامج “اوضة اللبس” :” قعت مع الكابتن سيد عبد الحفيظ مدير الكرة بالنادي الأهلي وقلتلة انا حابب انى العب سنتين مع النادي واعتزل في النادي الأهلي علشان اكون اكتر لاعب في العالم تحقيقا للبطولات”.
وتابع:” الكابتن سيد قالى هقعد مع الكابتن الخطيب وارجعلك، وبالفعل رجعلى وقالى الكابتن الخطيب قال أعملوا اللى حسام عاشور عايزة، وكانت الأمور تمام”.
وواصل:” اتفاجئت بعدها بالكابتن سيد قالى ان لجنة التخطيط بالنادي عاوزة تقعد معاك، وقعت اتفاجئت أن اللجنة بتقولى ان المدير الفني للفريق مش عاوزنى وعرضوا عليا تنظيم مباراة إعتزال وانى اطلع اعمل دراسات برة على حساب النادي، وطلبت منهم مهلة للتفكير”.
وأكمل:” رجعت ووافقت على عرض اللجنة ووافقت على الإعتزال، وتم إبلاغي من قبل الاستاذ جمال جبر مدير المنظومة الإعلإمية للنادي ان المستشار تركي آل شيخ هيتدخل في تنظيم المباراة وطلبوا منى التنسيق مع المستشار تركي آل شيخ فيما يخص مباراة الإعتزال”.
واستطرد :” تواصلت بالفعل مع المستشار والراجل رحب بده جدا وقالى طلباتك اوامر واللى انته عايزة انا تحت امرك، والراجل ده فعلا بيحب النادي الأهلي اكتر من ناس جوة النادي الأهلي نفسة”.
واوضح “عاشور” :” المستشار تركي آل شيخ طلب منى ان يكون فيه تعاقد ثلاثي بين الأهلي ونادى ألميريا والمستشار تركي آل شيخ، لكن إدارة الأهلي رفضت فكرة العقد وتم الإتفاق أن يكون فيه جواب موافقة من النادي الأهلي للعب المباراة”.
واكمل:” كان المفروض هيكون فيه فيديو بشكر فيه كل الناس واشكر النادي الأهلي والمستشار تركي آل شيخ وكل الناس، وسجلت الفيديو 4 مرات وبعتة للنادي الأهلي، وكان المفروض كان فيه بوست هينزل على صفحة المستشار تركي آل شيخ بالموافقة على تنظيم المباراة، وبعدها يطلع بيان رسمي من الأهلي بشكر المستشار تركي آل شيخ على تنظيمة المباراة”.
واكد :” كان فيه مماطلة من الاستاذ جمال جبر على موضوع الجواب الخاص من مجلس إدارة النادي الأهلي، والكابتن سيد عبد الحفيظ طلب منى انى اروح النادي تاني يوم اروح اصور فيديو جديد
وأضاف:” تاني يوم قعت ارن على كل الناس محدش رد عليا سواء الكابتن سيد عبد الحفيظ او الاستاذ جمال جبر والكابتن محمود الخطيب، واشمعنى انا لما طلعت وشكرت المستشار تركي آل شيخ الناس طلعت وزعلت مني مع ان مجلس إدارة النادي كان بيطلع المجلس يشكر الراجل”.
وأتم:” المفروض الجمهور يعرف ازاى حسام عاشور اللى عمرة ما عمل مشكلة يجي في الآخر ويعمل مشكلة، وانا بكن كل الإحترام والتقدير للنادي الأهلي وجمهورة،؟ وبوجه الشكر للمرة المليون للمستشار تركي آل شيخ لأن الراجل ده بيحب الأهلي جدا وجمهورة”.
