رضا عبد العال يفتح النار علي شوبير و الحكم احمد الشناوي بسبب فضيحه هدف الأهلي في الجونه – فيديو

فتح الكابتن رضا عبد العال نجم المنتخب الوطني السابق النار على الإعلامي أحمد شوبير و أحمد الشناوي الخبير التحكيمي بسبب حكم لقاء الأهلي والجونة.

وكان الأهلي قد تفوق على الجونه بهدف نظيف في المباراة التى جمعتهم مساء الأربعاء ضمن منافسات الدوري العام الممتاز لكرة القدم.

وأشار الحكم سمير محمود عثمان أن هدف الأهلي غير صحيح بسبب عركلة إسلام حارب لاعب الجونه بدون كرة قبل إحراز الأهلي الهدف.

وقال “رضا” :” الكابتن أحمد الشناوي طالع بدم بارد بعد المباراة يقول الهدف صحيح علشان يحافظ غلى شغلة مع الكابتن أحمد شوبير في القناة”.

وأضاف خلال إستضافة في برنامج “البريمو” :” احنا جبنا الفار علشان الاشكال اللى زى أحمد الشناوى متطلعش تاني، وهو شوبير يوجه ويتكلم وده مش صح لأن الكورة دى ضمير والرؤية ضمير وهتتحاسب عليها”.

https://www.facebook.com/496665157736314/posts/802418290494331/

وكان احمد الشناوي قد صرح بعد لقاء الأهلي والجونه ان هدف الأهلي صحيح ولا يوجد اى اخطاء لصالح الجونة.

ووجه “رضا” حديثة “للشناوى” قائلا :” اعمل لآخرتك بقي وخلى عندك مصداقية، وانت في القبر مش هتاخد حاجة من الأهلي أو الزمالك خاصة وانت ضامن وظيفتك، وهو اللى عمل فتنة في ماتش الزمالك و الأهلي وقال فيه ضربة جزاء لم تحتسب للأهلي”.