سيف زاهر يخرج عن صمته لأول مرة ويوجه رساله قاسيه الي حسام عاشور .. كل كلامك كدب و ” خرجت من الباب الصغير ” – فيديو

هاجم الأعلامي سيف زاهر الكابتن التاريخي للنادي الأهلي حسام عاشور بعد تصريحاته الاخيرة مع ميدو في برنامج ” اوضه اللبس ” عبر قناه ” النهار “.

وقال سيف زاهر عبر اذاعه اون سبورت اف ام , سأتحدث اليوم بشكل مختلف عن ما تعودت عليه سابقا , في وقت من الاوقات خاطبت جمهور الاهلي وانه قاسي بشده على حسام عاشور.

وواصل سيف , بس لازم اعتذر لجمهور الاهلى العظيم لانه كان صح فى أزمة حسام عاشور ، كنت بخرج ادافع عنه واقول للجمهور بلاش قسوة ، وبشويش على الكابتن التاريخى ، حتى الزمالك كان محترم فى الازمة ورفض تسريبات عاشور أن القلعة البيضاء تفاوضه وقالوا مش عايزين مزايدة من اللاعب.

وأكد سيف زاهر فى برنامجه وان تو عبر أذاعة أون سبورت : كفاية ياعاشور لعب بالورق ، خرجت من الباب الصغير وخسرت كل حاجة ، لو عايز نصيحة يا تقول حاجة كويسة ياتسكت ، ابعد عن الاهلى ومتتكلمش عن النادى تانى ، رصيدك نفذ ياعاشور ، مش معمول عليك حملة زى ماقولت ، ده شعور جمهور كبير حبك وكرهك بفضل تصرفاتك.

وتابع سيف زاهر : عاشور لاعب باع ناديه وتاريخه عشان الفلوس ، تاريخه راح ورصيده راح ، التاريخ يحسب بالالتزام وبالاخلاق وبحب الكيان ، أنا اهلاوى بس بتكلم كإعلامى ، الاهلى فوق رأس جميع محبيه بس واضح أن الفلوس هى الاساس ، عاشور مقالش جملة واحدة صح فى كلامه ، لست مقرباً من الخطيب حتى أدافع عنه ولكن برىء تماماً فى أزمة عاشور.

واضاف سيف زاهر : عاشور لاعب باع ناديه وتاريخه عشان الفلوس ، تاريخه راح ورصيده راح ، التاريخ يحسب بالالتزام وبالاخلاق وبحب الكيان ، أنا اهلاوى بس بتكلم كإعلامى ، الاهلى فوق رأس جميع محبيه بس واضح أن الفلوس هى الاساس ، عاشور مقالش جملة واحدة صح فى كلامه ، لست مقرباً من الخطيب حتى أدافع عنه ولكن برىء تماماً فى أزمة عاشور.

وأكمل سيف زاهر : الخطيب ومجلس الاهلى عملوا لعاشور اللى متعملش فى تاريخ الاهلى ، عماد متعب قد حسام عاشور 100 مرة وطلب من مجلس الاهلى مباراة اعتزال ، الكابتن الخطيب قاله مش بنعمل مباريات بنشارك بس ، ومع ذلك متعب لم يهين إدارة الاهلى ولم يتلفظ بلفظ واحد على كيان الاهلى ولا الخطيب ، وكذلك حسام غالى لانهم عارفين يعنى ايه أهلى ويعنى ايه كيان الاهلى.

واختتم سيف زاهر حديثه :كلام عاشور وهجومه على الاهلى لن يؤثر “سنتى واحد” فى تاريخ الأهلي وجمهوره ، لان جمهور الاهلى كان على حق فى أزمة عاشور، ولو اللاعب عنده جرأة يخرج يتكلم ويقول الحقيقة ويقول أنه طلب من الخطيب 20 مليون جنيه حتى لو مش هيلعب ، وطلب يستمر سنتين فى الاهلى وياخد الـ 20 مليون حتى لو مش هيلعب رغم أن بقاله سنة محطش رجله فى الملعب.

شاهد :-