دافع الإعلامي سيف زاهر عن موقفة من الانتقادات التى وجهت له من قبل إعلام النادي الأهلي وجماهيره بعد الإنتقادات التي وجهها لمجلس إدارة الأهلي، عقب خسارة الفريق الساحة أمام الزمالك فى القمة الأخيرة بثلاثة أهداف مقابل هدف وحيد
وقال “سيف” : اعلنت إنتمائى قبل ذلك أنى أهلاوي، والناس زعلت منى بسبب تصريحات إمبارح، والكابتن عدلي القيعي وإبراهيم المنيسي، خدوا وقت كبير يتكلموا عليا ولاموا على تصريحات اللى قولتها إمبارح”
وأضاف: ” الكابتن عدلي القيعي عرض أكتر من فيديو يرد عليا، وخلال الثلاث سنوات اللى فات انا شلت مجلس الأهلى وفريقية، وأنا لا يمكن أتلخبط زى ما قال عدلي القيعي، وكل الفيديوهات اللى عرضها لكابتن عدلى وانا بشيد بمجلس الإدارة والكابتن الخيب دى حقيقة”
وتابع “سيف” خلال تقديمه حلقة جديدة من برنامج “ملعب أون” على قناة “أون تايم سبورت” : ” لما اتكلمت على مجلس الإدارة اتكلمت على نقاط محددة المجلس يشوفها، وانا تربطنى علاقة قوية بالكابتن حسن حمدى واللى قالى جملة “المشكلة فى المكتب مش المعلب” اللى علمهانى الكابتن حسن حمدى”
وواصل: ” عمرى ما هكون مستنى الهزيمة لمجلس هزيمة كنت بساندة لمدة ثلاث سنوات، وانا دايما على مسافة واحدة من الأهلى وبغض النظر إنى أهلاوي و علاقته بمجلس إدارة الأهلي”
وأكمل : ” أن لو موجهة مش هساند النادى الأهلي الفترة اللى فاتت، والنهاردة كلمنى عدد كبير من مجلس إدارة النادى الأهلي، وسألونى على سر الهجوم اللى قولته على مجلس الإدارة وقلتهم انى عندى ملاحظات على ملفات هامة داخل مجلس الإدارة”
وأردف : ” المسؤولين في النادى الأهلى قالوا احنا مش بنعلن خلال الموسم عن شغلنا احنا بنقول الكلام ده آخر الموسم، وقالولى عندك حق فى الكلام لكن التوقيت هو الخطأ، والمطلوب هو المساندة لأننا داخلين على بطولة أفريقيا”
وأضاف: ” أنا لو ضد الأهلى مكنتش هبقى مساندة طول الفترة اللى فاتت دى، وأنا مليش اى مصلحة داخل الأهلي، ولا عاوز ادخل الانتخابات او اشتغل فى القناة، والناس بتقول فيه توجيه فى الهجوم، وده كلام مفيش اى توجيه ولو عندى توجيه مكنتش هطلع واقول انى عاوز مصلحة النادى الأهلى وبوجه نصائح للمجلس”
ووجه سيف حديثة، لسيد عبد الحفيظ مدير الكرة بالنادى الأهلي، “قائلا : ” الكابتن سيد عبد الحفيظ بالذات كنت اتمنى شهادتة دلوقتى، لأنه بقالة فترة كبيرة داخل النادى الأهلي، ومفيش حد فى مصر ساندك زى أو دعمك زى، وساندك وعمتك وانت تعلم جيدا موقفي منك، وهفضل اساعدك واساندك، وانا عاوزك تطلع تقول رايك انت ومحمد مرجان وجمال جبر”
وأتم: ” أى اختلاف بينى وبين اى حد سكتة صغيرة لانى ببص للجانب المضيء من الموضوع، ده حصل فى مساعدتى مع مجلس إدارت الإسماعيلى والمصرى، ونادى الزمالك أنا بسانده لو فيه أزمة أو مشكلة، وانا اقدمت استقالتى من اتحاد الكرة وطلعت تانى يوم اتكلمت على الهواء”، ونتمنى الهدوؤ للنادى الأهلي ومجلس الخطيب”
