طارق العشري يناشد اتحاد الكرة: ” تحملنا فوق طاقة البشر.. ولماذا كل هذا الضغط على المصري”
أكد طارق العشرى المدير الفنى لنادى المصري أن فريقه يمر بظروف صعبة بسبب عدم تعافى اللاعبين بشكل كامل من إصابات فيروس كورونا المستجد، التى ضربت لاعبين الفريق بشكل كبير خلال الفترة الماضية.
وقال “العشرى” عقب تعادل المصرى ونادى مصر : مبدئيا البروتوكول الطبي بيقول ان اللعيبة متمارسش الكرة إلا بعد مسحتين اسبيتين وأشعة على الصدر والدكتور يقول يرجع امتى تدريبات مش مباريات احنا مضطرين نلعب و اتحاد الكرة رافض يعطينا راحة”
وأشار : ” احنا عندنا كم مشاكل لايتحملها بشر ولازم يعذرونا واتحاد الكرة يقدم مساعدات خايف على اللعيبة يحصل لها مضاعفات، كل الفرق عارفه اللي بيحصلنا وبيتكتلوا علينا وهم عارفين ان عندنا غيابات وعدم انسجام وبيدوسوا علينا كرويا”
وأضاف خلال تصريحات تليفزيونية لبرنامج “جمهور التالتة” على قناة “أون تايم سبورت” : “بشكر لعيبتي على مجهودهم ولسه مش اتعافوا بعد كورونا وعندي ماتش مع الاهلي بعد يومين، وبسأل حسام الزناتي ليه الضغطه دي”
وتابع: ” اللاعبين تحملوا فوق طاقتهم والرد من اتحاد الكرة مادام اتحول من سلبي لايجابي يلعب والله والله والله الولاد في حالة إعياء و متحاملين على نفسهم مش في حالتهم الطبيعية وبحييهم وهم رجاله مفيش حد في الدوري مر بظروفنا الصعبة كورونا فتتنا كفايه ان اللعيبة خايفين من بعض”
وشهدت نهاية مباراة المصرى ونادى مصر تعرض أكثر من لاعب فى النادى المصري لحالات إغماء وتم نقل اللاعب أحمد عادل ميسي إلى المستشفى
