طارق يحيي يفتح النار على مخرج مباراة الزمالك والأهلي .. ويوجه رسالة هامة للمسؤولين – فيديو

هاجم طارق يحيى مقدم برنامج “زملكاوي” على قناة الزمالك مخرج لقاء القمة 120 التى جمعت الفارس الأبيض أمام نظيره الأهلى مساء السبت، بسبب تغافله للاعبي الزمالك خلال عزف السلام الوطني قبل انطلاق المباراة.

وقال “طارق” : ” مينفعش يكون نادى الزمالك هو صاحب الأرض والمخرج ميجبش الكاميرا غير على لاعبي الأهلى بس، ومخرج المباراة هشام عبد الوداد أنا عارفة كويس لكن القصة مهنية وحياد”

وأضاف خلال تقديمه حلقة جديدة من برنامج “زملكاوي” : ” القصة أخطاء مقصودة، وده مينفعش بأى حال من الأحوال، وده مش خطأ تقني مكناش شفنا المباراة من الأساس”.

وتابع: ” جمهور الزمالك زعلان من مخرج المباراة وعليه تقبل هذا الزعل والانتقادات، وانا معنديش حاجة ادافع فيها عن المخرج لان اللى حصل ده عيب”

وواصل: ” تخيلوا لو الموضوع ده حصل للنادى الأهلي بس، واحنا بنساند التليفزيون المصرى لكن لما يحصل خطأ لازم يكون فيه عقاب، وتخيل لو الخطأ ده حصل فى الناحية التانية”