عدنان حلبية ينهار على الهواء بسبب اتحاد الكرة : “محدش بيرد علينا.. واجتماع طارئ في بورسعيد”

شن عدنان حلبية عضو مجلس إدارة النادى المصرى هجوم حاد على أعضاء اللجنة الخماسية المكلفة بإدارة اتحاد الكرة بسبب حالات فيروس كورونا التى ضربت الفريق الأول بالمصرى خلال الفترة الماضية.

وقال “حلبية” : ” عندي 5 لاعبين اساسيين عملنا التحاليل تبع الشركه اللي متعاقد معاها اتحاد الكرة وطلعت سلبية ولما روحنا لاتحاد الكرة قالولنا جايلنا تعليمات محدش يكلمنا في الموضوع ده تاني”.

وأشار : ” كل اللعيبه اللي لعبت أمام الأهلي اليوم مخالطة للخمس لاعبين المصابين بالكورونا، والحارس اللي لعب النهارده هو الحارس الخامس ولعب وهو عنده مزق ولعبنا وهو مصاب معدش فيه حراس حتي في الناشئين”.

وأضاف خلال تصريحات تليفزيونية لبرنامج “جمهور التالتة” على قناة “أون تايم سبورت” : ” لاعيبة المصري خايفين من بعض بسبب الاختلاط، وعندنا اجتماع مجلس ادارة بعد ساعة او ساعة ونص وهناخد قرارات هامة بعد الرجوع للشئون القانونية”

وتابع: “للساعة 6 طارق العشري مكنش عارف يعمل التشكيل اللى هيلاعب الأهلي لان كان في 5 لاعبين عندهم مشكله ومنعرفش هيلعبوا ولا لا، ومحدش اتكلم معنا ولا احترم بلدنا ووافقنا على اكمال الدوري”

وواصل : “انت مش عايز تسمع ليه احنا ممكن نعمل لكم مشكلة على مستوى أفريقيا كده لكن رئيس النادي رفض، احنا بنتصل بحد، يرميك ع اللي بعده والنهارده محدش رد، هما فالحين يردوا عليه في الإعلام ماترد عليا في الغرف المغلقة، عمري ماشوفت إدارة بالشكل ده”.

ووجه حلبية لمقدم البرنامج إبراهيم فايق :”انا هبعت ليك كل المحادثات والرسائل وذيعها وقولي ليه محدش بيرد،علينا لكن انا مش هرد على حد من الاتحاد”