فرج عامر يوضح حقيقة هجومه على ساسي… ويفتح النار على مرتضى منصور بعد رفض رفع الحصانة عنه – فيديو

طالب المهندس فرج عامر رئيس نادي سموحة مسؤولي اتحاد كرة القدم بضرورة تطبيق مبدأ العدل على جميع الأندية في الدوري المصري، مشيرا إلى أنه لم يقصد إيقاف فرجاني ساسي نجم الزمالك.

وقال “فرج” :” مشكلة الدوري المصري هو غياب تطبيق العدل في الملعب، وانا بتكلم انه زى ماتم توقيع عقوبة على الهاني سليمان لأنه أخطا في ماتش ودى يتم محاسبة بقية اللاعبين”.

وأضاف خلال تصريحات له مع الإعلامي “عبد الناصر زيدان”:” لو فيه عدالة في الدوري المصري كان سعرة هيرتفع عشر أضعاف عن قيمته الحالية، وهو مايحدث هو نتيجة تراكمات من الاتحادات السابقة”.

وتابع:” الكرة المصرية تحتاج إلي بداية جديدة، واللجنة الخماسية تعمل بجهد لإنجاح مسابقة الدوري العام الممتاز، لكنها تستعين بعناصر تربت على التفرقة بين الأندية”

ووجه رئيس نادي سموحة حديثة إلي المستشار مرتضى منصور رئيس نادي الزمالك قائلا:” انت طلعت شتمتنا قبل كده 30 مرة في التليفزيون، وتطاولت علينا وردينا عليك ودى عادتك، ودى مش اول مرة تقول التليفون بتاعى اتسرق”.

وواصل:” الكلام ده ميعجبنيش، ولو كنت مكان مرتضى منصور كنت طلبت يترفع عنى الحصانة، مدام موقفي سليم، وأنا اشك في كل الكلام والاتهامات اللى بيقولها للناس، وكل شوية يبعت رسايل شتيمة للناس”

وأتم:” الكابتن محمود الخطيب مقدر من مجلس النواب والشعب وهو راجل متحرم، وهياخد حقة قريبا لاننا في بلد لا يضيع فيها حقوق”