محمد نصر يفتح النار على فايلر بعد ثلاثية الأهلي أمام الزمالك ” :دلعناك كتير” – صورة

فتح محمد نصر الدين المخرج التليفزيوني النار على رينيه فايلر المدير الفنى للنادى الأهلي، وذلك بعد خسارة الفريق أمام الزمالك بثلاثية مقابل هدف وحيد فى المباراة التى جمعت الفريقين مساء السبت.

وكتب “نصر” عبر صفحتة الشخصية على موقع التواصل الإجتماعي “فيس بوك” : ” الكابتن فايلر طبعا حضرتك كسبت الزمالك ماتش السوبر اول ماتش ليك جميل وعملت شغل حلو فى الدورى انما افريقيا سطر وسطر، ولما واجهت كارتيرون فى الامارات لاعبك بطريقة سيبه يستحوذ وانا اخلص ولم تستفد شيئ ف مباراة الامس لانها كانت بنفس الشكل بالظبط ساب لك السيطرة وخلصها مش فاهمك “.

وأشار : “ياما دلعناك والشيكولاتة والفخامة لكن بعد كورونا المستوى زفت انبى والانتاج واسوان والزمالك وانت مش واخد بالك هو انت رجعت من سويسرا غصب عنك ولا ايه .. #كابتن فايلر تعرف جمهور الاهلى كويس لو تعرفه كويس ازاى تقهره مرتين امام الزمالك مرة سوبر ف ايدك ومسيطر وهجصت ف ضربات الجزاء وضاع وماتش الدورى امبارح الزمالك خلص ٣ هجمات بالقاضية الفنية والتحفيل على جمهور الاهلى والنكد الى انت اتسببت فيه لملايين وبلاش برود الاجانب معلش احنا مصريين دمنا حامى انما انت هتطلع تقولى المشوار طويل والاهلى الاول والدوري بتاعنا لا الجمهور عايز الدورى فارق ربع نقطة بس مايتغلبش من الزمالك بالشكل والنتيجة دى انت ضربت فرحته ف مقتل”.

وأضاف “نصر” : ” ماتقولش اصل ناقصنى رمضان لانه مش بتاعك ومصاب طول الاعارة ولا كهربا لانه لسة ملعبش اصلا ماتشين اما الشحات سيبته يعمل عملية فتاق فى وقت غريب فين الجهاز الطبى بتاعك الى بيشرف على اللعيبة وفين محمد محمود ولا نيدفيد قاعدين ف المستشفى سنتين بالظبط، طب خد دى الدورى بالفارق الرهيب ده على المحك بالمستوى ده وقول عليا مجنون لانى شوفتها قبل كدة “.

وتابع : ” سؤال لحضرتك من فرد جمهور اهلاوى عادى انت لاعبت احمد فتحى ماتش اسوان وتالق وقولنا انكً بتحضره لماتش القمة لانه خبرة وراجل تروح ملاعب هانى الى فتح شارع ل بن شرقى وعبد الشافى ومين بيغطى وراه انا مش محلل ولا مدرب بس باقول راى زى كل الناس ارجوك يكون صدرك رحب واتاسف لازعاجك بس مافيش حد بيغطى ورا هانى الى مخضوض خالص كنت لاعبت فتحى وقدامه الناشئ هانى وشايف ديانج مستواه نازل بسبب طريقة لعبك نزل العربى بدر طالما الماتش مش فارق معاك علشان تلعب بالطريقة دى ؟!!”.

وواصل: “قولت ايه لياسر ابراهيم وهو بيتفرج على بن شرقى وهو بيفسحه فى اى هجمة وحتى هدف الشاب الرائع مصطفى محمد واقف بياخد سيلفى معاه وهو بيجيب الجون، وليه الاصرار على ايمن اشرف مساك هو راجل لكن مش مركزه.. ده حتى مش ده حمدى فتحى المتالق خالص”.

وأكمل :”بمناسبة الشباب شوفت الزمالك طلع كام لاعب شاب هايل بسم الله ماشاء الله لاحسد .. هل قطاع الناشئين ف الاهلى معندوش عين يشوف باك يمين او مهاجم طب تصدقوا بالله فيه لعيبة شباب جامدة جدا محدش مكلف نفسه يشوفهم بيكهام وحش بعتوه مصطفى البدرى عمل ماتش هايل على الاهلى بعتوه لاسوان وعايز تبيع الجزار الى محللهاش ف الاهلى اشتريتوه ليه وعندنا خرم ف المساكين والمصابين حتى باسم على باكً يمين بس بيتصاب ف الاهلى بس ..اومال بتلعبوا دورى ناشئين وشباب ليه ؟؟!!ااقول للادارة ليه علشان يكبروا ويتسرحوا اعارة او بيع وبعدين احفى علشان اشتريهم”.

وتساءل :”قولولى كام لعيب معار احسن مية مرة من معظم الموجودين ومش هتكلم على مروان كفاية الى عقاب جمهور الاهلى والى حصل له لكن ليه صلاح محسن ولا احمد ياسر خد فرص وليه ازارو مش عايزه غلط عاقبه ماليا واخصم له انما ازارو بكل مافيه راس حربة كويس وبيهد الدفاع ..وتروح تلاعب اجاى راس حربة خليت مستواه اتدهور لان مش مركزه، وهل قفشة صاروخ ماديرا عمال يجرى ف الملعب كله ولا غطى هانى ولا معلول ونفسه راح بعد نص ساعة”.

وأكمل: “اهم سؤال مروان مروان مروان طب شوفت ديانج لما خد الفرصة بدل مروان عمل ايه هو نجم الاهلى الماتشات الى فاتت كلها طب مين هيوصله المرمى زى صالح جمعة الى قال ان الله حق هو انت بتعاقبه ولا بتعاقب جمهور الاهلى مش فاهم طالما مش فارقة معاك ونقطك كتير صالح جمعة ملعبش ليه، كل مرة تجرب ف الاهلى طريقة تخرب الدنيا ف الشوط الاول وتعدلها الشوط التانى وحسب التساهيل اما تمشي واما تخرب زى امبارح”.

ووجه “نصر” حديثة لمجلس إدارة الأهلي قائلا : ” ادارة النادى الاهلى لو سمحتم بلاش بعضكم يتشفى ف الاهلى وانتم عارفين ده كويس لكن مش وقته الاهلى محتاج صفقات سوبر ف اماكن كتير، انت بتضرب ف لعيبتك وانت قاعد ساكت ليه من عبدالله السعيد لفتحى لرمضان، من امتى لعيب ف الاهلى يجرى على الزمالك اذا فاوضه ولو رمضان راح الزمالك هتعمل ايه ??? وكل اللعيبة الى بتحاول تجيبها زى ايوب الكعبى مثلا دخل عليك بيراميدز”

وأتم :الزمالك بيحاربك فى كل صفقة وده حق مشروع للجميع ولا مش واخد بالك وسايب الحرب كدة من غير دفاع عن الكيان الا اذا كان فيه حاجة غلط عندك والجمهور بيحب الكيان وصابر لكن مش الهزيمة من الزمالك السبب لانه عادى لكن السبب المستوى الهابط بعد كورونا وفيه ماتش الوداد الى قرب وهو الاهم ف تاريخ الاهلى الافريقى واى اخفاق ماينفعش تطلع تقول دى كورة وكلام الاجانب ده لان الجمهور مش ها يرحم حد”