محمد نصر يفتح النار على منتقدي مجلس الخطيب “هيعمل ايه يعني” .. المجلس مخترق من الداخل – صورة
شن المخرج التليفزيوني محمد نصر الدين هجوم حاد على جمهور النادي بعد الهجوم الأخير على المجلس بعد فشل صفقة بقاء رمضان صبحي في الأهلي، مشيرا إلى أن مجلس إدارة النادي مخترق من الداخل.
وقال “نصر” :”باينة قوى الخطة والضرب ف الخطيب من المحسوبين على الاهلى يعنى الضرب من جوة النادى الاهلى وبكررها من جوة النادى الاهلى ومن جوة المجلس كمان ومن زمان وعينى عينك وفرحانين والله ان فتحى ورمضان مشيوا ولو مشى لعيب تانى بركة لان المهم ازاى الجمهور يقلب على الخطيب ده غير الى برة ودول كتير كمان وطبعا كلهم كيوت وعاشقين للاهلى واحنا الكلبوبين الى واقفين مع واحد من اعظم من لمس كرة القدم فى الدنيا كلها مش مصر بس غصب عن اى حد يقلل من محمود الخطيب”
وأضاف عبر صفحتة الشخصية على موقع التواصل الاجتماعي “فيس بوك” :”ده غير الكتائب الالكترونية وبعض اطفال السوشيال ميديا وبعض الموجودين على السوشيال على نظام ابجنى تجدنى شكرا .. #هو الخطيب الى قال لاحمد فتحى امشي ولا قال لحسام عاشور افتح السوشيال واخربها ولا هو الى قال لرقم ٣٢ روح مع نسيبك وكون نفسك علشان تهرب من مصير الشباب الى زى الفل الغلبان ف الشارع وتعرف تجيب فيلا ف دبى ويخت ف اسبانيا وعربية رولز رويس وتحط ١٠٠ مليون ف البنك لان الحياة صعبة ووقت الكاش رقم ٣٢ يبقى ببلاش ف الاهرام”.
وتابع:” محمود الخطيب رئيس النادى الاهلى عنده اخطا “نصر” ء وده وارد جدا ف العمل الادارى واكبر خطأ هو انه فتح الباب لدخول اسم مهمته حاليا تخريب النادى وتفريغه من لعيبته بلغة الملايين المتلتلة لانه راجل اهلاوى جامد وعايز مصلحة النادى وعامل انه مالوش دعوة بالى بيحصل”.
وواصل:”عايز تنقد محمود الخطيب دى حريتك كاملة وبدون تجريح لكن انا كواحد من الجمهور علشان محدش يقولى اعلامى ومحايد لان دى حريتى وصفحتى الشخصية زى كل الناس ادعم الكابتن محمود الخطيب وبكل قوة والمحترمين من مجلس الادارة”.
وأتم :”اسمح لى ازود معلومة علشان الى ممكن يفتكر انى عايز مصلحة ما .. انا لما اولادى يحبوا يروحوا النادى الاهلى بدفع تذاكر دخول عادى “.
