ميدو لخالد جلال : اللى شغالين معاك “ركبوك المرجيحة.. وسخنوك عليا”.. وهذه حقيقة ما قلته عن تشكيل الزمالك
أكد أحمد حسام ميدو نجم الزمالك السابق، أنه لايوجد خلاف بينه وبين خالد جلال المدير الفني لنادي مصر، مشيرًا إلي لم يذكر خلال برنامجة أن الكابتن خالد جلال تورط فى تسريب تشكيل الزمالك قبل مباراة الفارس الأبيض ونادى مصر فى المباراة التى جمعت الفريقين مساء الثلاثاء.
ووجه ميدو حديثه لخالد جلال قائلا : ” كابتن خالد جلال هو كابتني لأنه لاعب قبلى فى الزمالك، وفيه حد نقلة كلام مش مظبوط، ومحدش قالة انى أشادت بيه فنيًا خلال اللقاء وقولت عليه انه لعب جيم كويس قدام الزمالك”
وأضاف “ميدو” خلال تقديمة حلقة جديدة من برنامج “أوضة اللبس” حد من اللى شغال معاك ياكابتن خالد “شبطلك السن” و ” ركبك المرجيحة” وانا مقلتش انك تواصلت مع حد فى نادى الزمالك وخت التشكيل”
وتابع: ” أنا قولت انى اكتر واحد عانى من تسريب التشكيل للمواقع وانا شغال فى الزمالك، ومجبتش سيرة خالد جلال خالص، واللى سخنك ورط ياكابتن خالد، وخلى الناس تتكلم على المشكلة بين خالد جلال وميدو”
وواصل: ” انا بتكلم ان دى مشكلة عامة فى الزمالك ملهاش اى علاقة بخالد جلال، وانا مكنتش حابب ان يكون الرد بالاسلوب ده بس انت اللى خلتنى اعمل كده”.
وعرض “ميدو” خلال برنامجة تصريحات لخالد جلال عبر أثير الراديو وهو يتحدث عن المباراة حيث قال “جلال” : ” انا راضي عن الأداء بشكل كبير، وانا عرفت من باليل ان الزمالك هيبدا بمجموعة من الناشئين فغيرت السيناريو اللى كنت هلعب بيه، وقررت ادفع باتنين رؤوس حربة من أول المباراة”
واتم: لو الناس اللى قلتلك الكلام نقلته بامانة منكناش ضيعنا وقتنا، وانا عارف انك راجل محترم ومهذب جدا بس الناس اللى شغالة معاك ممكن تورطك، وفى النهاية انا معنديش أزمة معاك واحنا اولاد نادى الزمالك”.
وكان المدير الفني لنادي أف سي مصر خالد جلال” قد علق على تصريح لاعب الزمالك السابق “أحمد حسام ميدو” بشأن تسريب تشكيل الزمالك لـ خالد جلال قبل مباراة الفريقين بالأمس .
و أكد الكابتن خلال جلال عبر حسابه الشخصي على فيس بوك بأن التشكيل لم يتم تسريبه له قبل المباراة ، و هذا لم يحدث مطلقاً ، و خاصة أنه كان على علم بأن كارتيرون سيلعب بـ الشباب عند نزول قائمة الفريق .
