والد مروان محسن يفتح النار على مهاجمين نجله.. مين مستوى الأهلي يعني هيبقى أفضل من ابني – فيديو

شن محسن ثرون والد مروان محسن مهاجم النادى الأهلي، الهجوم على من انتقدوا نجله بعد مباراة الأهلى أمام الزمالك، مشيرًا إلى أن مروان قدم الكثير للنادى الأهلي وظهر بشكل جيد خلال اللقاء.

وقال “محسن”: ” مينفعش كابتن عماد متعب يطلع ويقول أن مروان لازم ياخد أجازة، ده مروان مش بيحب حد غيره ولما كان بيلعب معاه كان بيشاور عليه ويقول عليه ده الأصل”.

وأضاف خلال تصريحات تليفزيونية لبرنامج “ملعب أون” على قناة “أون تايم سبورت” : ” الناس بتقول ده مش مستوى النادى الأهلي؟ وهو مين مستوى النادى الأهلى، انتوا عايزين مين يعنى، ده انا كنت بشيل وسط الملعب كله وانا بلعب”

وتابع: ” بقول للكابتن طه إسماعيل أعمل حساب لوالد مروان محسن يااخى، وياما اتعاملت مع الكابتن طه والعبت معاه فى النادي الأهلي، والواحد بعد العمر ده مينفعش يتشتم ويتهزأ بالشكل ده”

وواصل: “مروان كان نجم النجوم فى جميع المراحل السنية كلها، وليه أكسر من مقاديفوا وهل هو كان أضعف واحد فى الماتش ده محصلش، ولم اتواصل مع مروان منذ نهاية اللقاء حتى الآن واتابع اخباره من خلال التواصل الدائم مع زوجته، وانا كنت ماسك الكورة فى مصر خمس سنسن فى اتحاد الكورة”