اخبار الزمالك

وصلة هجوم نارية من مرتضى منصور لمحمد القاسم رئيس التعاون .. احترم نفسك

فتح المستشار مرتضى منصور رئيس نادى الزمالك النار على محمد القاسم رئيس نادي التعاون السعودي، بعد إعلان تعاقد النادي السعودي عن التعاقد مع “الهارب” باتريس كارتيرون المدير الفنى السابق للزمالك.

وكان محمد القاسم رئيس نادي التعاون السعودى قد استفز جمهور نادى الزمالك من خلال تويتة له عبر موقع التدوينات القصيرة “تويتر: حيث كتب قائلا :” هذا التعاون ياساده الي يبيه يصير واللي يامر عليه يتم”

وقال “مرتضى”:” انت فاهم غلط وفاهم المصريين غلط، لا يامحمد دى مصر، ولما تتكلم عنها اتكلم بأدب، انت ملك محترم عاشق لمصر، ومحمد بن سلمان عاشق لمصر، وانت تؤمر مين”

وأضاف “مرتضى” في تصريحات لبرنامج “أوضة اللبس” على قناة “النهار” تقديم أحمد حسام ميدو : انت بتعلب بالنار وبتعمل فتنة بين البلدين، نادى الزمالك ده نادى كبير وزى ما بنحترم انديتك احترم أنديتنا واتكلم عن الزمالك بأدب، وتكلم بأدب عن مصر والزمالك”

وتابع مخاطبا الأمير محمد بن سليمان هل يرضيك انك عندك مواطن اسمه محمد القاسم انه يقول كده على الزمالك، احنا مش عبيد عندك وانت فاهم غلط، ده نادى الزمالك وتاريخ، وانت بتكلم عن نادى جزء من تاريخ مصر ولعرب”

وواصل:” زى ما احنا بنحترم السعودية ، وأنت أمرت على واحد خاين ومش أمين، والباشا اللى اغراه ودفعله و خلاه يسيب النادى بتاعه ده نسميه ايه، والقصة مش قصة فلوس، القصة انت عاوز تغلط في النادي ده”

وتساءل رئيس نادى الزمالك قائلا:” ليه تسفز نادى الزمالك، وانت مين، وتؤمر مين”

تعليقات زوار الموقع

اخبار ذات صلة