أوضح أمير مرتضى منصور المشرف العام على الكرة بنادى الزمالك أن مجلس إدارة النادى يعمل على أكثر من ملف خلال الفترة الحالية، موضحًا موقف الفريق من ضم أرى بابل ورحيل محمد عواد حارس الفريق، وموقف التعاقد مع مدير فنى جديد.
وقال “أمير” : ” كارتيرون هرب، و جماهير الزمالك بقت مركزة مع التعاون، و هو فريق صغير مابيتحملش الضغوط، كارتيرون قرر يفجر نفسه، واحنا في فترة حساسة جداً، مش عايزين نتسرع، و كلنا مستنين بطولة افريقيا”
وعن المدرب الجديد للزمالك أوضح قائلا:”فيه مدربين اعتذروا وشايفين ان التوقيت بالنسبالهم مخليهم مش مركزين، و في مدربين قبلوا التحدي، احنا بنشوف مين اللي مستعد و عنده خطة للشهر ده لحد بطولة افريقيا”.
وأضاف “أمير” :” احنا مش بننام عشان الموقف اللي اتحطينا فيه، واحنا تركيزنا كله ناخد بطولة افريقيا، و بالذات بعد موقف كارتيرون الإصرار زاد، واحنا محظوظين اننا عندنا مجلس ادارة و لاعيبة واثقين فيهم ، و ممكن كاريترون كان يبقى معانا و نخسر البطولة، زي ما خسر مع الاهلي، دي كورة في الاول و في الاخر”
وعن رحيل محمد عواد عن الفريق أجاب قائلا :”مالهاش لازمة نتكلم في رحيل عواد دلوقتي ، الكلام على مين طالع اعارة و مين ماشي مش دلوقتي خالص”
وواصل:”الكابتن طارق يحيي عارف انه جاي مدرب مؤقت ماتش او ماتشين او ٣ ماتشات بالكتير”
وبخصوص موقف الفريق من التعاقد مع أرى بابل أوضح قائلا :”بخصوص أري بابل، الزمالك هو اللي بيعلن عن الصفقات، و دي السياسية بتاعتنا، و النادي هو اللي له الحق اللي يعلن ده، و شغل الوكلاء و السماسرة و الكلام ده مش بيمشي مع نادي الزمالك”
وأعلن المشرف العام على الكرة بنادى الزمالك أن مجلس إدارة النادى استقر بالفعل على اسم المدرب الجديد للزمالك، ومن المقرر أن يتم الإعلان عنه خلال الساعات القادمة.
وأشار إلي أن مجلس إدارة النادي يسعى حاليًا للتنسيق لظروف الطيران الخاصة بالمدرب الجديد مؤكدًا أن وصول المدرب الفني الجديد مرهون بانتهاء تنسيق رحلة الطيران الخاصة به.
