نجح نادى الزمالك فى تحقيق فوز هام على نادى طنطا بثلاثة أهداف مقابل هدف وحيد، فى المباراة التى جمعت الفريقين على أرضية استاد القاهرة الدولى ضمن منافسات الجولة الـ29 من عمر بطولة الدوري العام الممتاز لكرة القدم.
ومن جانبه قال رضا عبد العال المدير الفنى لنادى طنطا عقب اللقاء : ” الحمد لله والشكر لله بشكر لاعيبتي الرجالة بصرف النظر عن النتيجة بنلاعب فريق كبير كسب الاهلي والترجي فلما يكسب طنطا عادي ويحسب للاعيبة رغم اني عندي غيابات .. لعبنا من يومين وكنت هلعب بطريقة تانية بس يدوب 25 دقيقة وقعت مني عشان ملحقناش نعمل استشفاء”
وأشار:”انا معملتش شغل فني وبتعامل نفسي بس عشان اللي هيقول مثلا اني مرنت اللاعيبة على الكروس وواحد يحطها كل ده اونطة انا معملتش شغل فني، في مفاجأة اني عملت المسحة وفي 4 لاعيبة عندهم كورونا وقاعد على اعصابي وجم معايا والحمد لله النتيجة طلعت سلبية بس لو كانت ايجابية كنت هنزل انا العب بقى .. طنطا والاسماعيلي من الفرق اللي تأثرت بكورونا”.
وأضاف “رضا” فى المؤتمر الصحفي للقاء : “الارهاق البدني سبب تراجع لاعبي طنطا في الشوط الثاني مع وقوع اللاعيبة بدني بيقلل التركيز، مكنتش ماسك منتخب مصر عشان أرفض تدريب طنطا في الموقف الصعب ده وليس مخاطرة انا هدفي ابين للناس شغلي مش لازم امسك اهلي وزمالك عشان اقول للناس انا اهو وهتشوفوا فريق تاني لطنطا مع عودة المصابين”
وأتم:” أنا في الاستوديو التحليلي قولت طنطا هيهبط السوشيال ميديا الفترة اللي فاتت مكنتش بتتكلم غير على رضا عبد العال ولو كارتيرون كان ماسك الفرقة النهاردة كنت كسبته”
