تامر أمين يكشف كواليس خناقة كهربا وغرامة المليون جنيه ويوجه له رسالة.. “الألفاظ دي تقولها في القهاوي مش الأهلي” – فيديو
كشف الإعلامي تامر أمين كواليس الخناقة التى شهدها مران الأهلى اليوم الأربعاء، بين محمود عبد المنعم “كهربا” و محمد الشناوي قائد الفريق.
وقال “تامر” : ” اللى حصل أن بعد المران ما مخلص كهربا كان ماشى بيغلس على اللاعبين بهزار باستخدام شتائم وألفاظ خارجة، فتدخل الشناوى وقالة مينفعش الكلام اللى انت بتقولة ده والألفاظ دى، فكهربا رد على الشناوي قاله انت مالك انت الآخر يا كذه وشتم”
ووجه “أمين” حديثة لكهربا قائلا: ” الشتايم دى على القهاوى لازم تبقى عارف قيمة التيشرت اللى انت لابسه، ده مش مجرد تيشرت نادى ده قدوة وأدب، والأهلى محراب الأدب والقيم والمبادئ”
وأضاف خلال تقديمة حلقة جديدة من برنامج “آخر النهار” :” عمرك سمعت كلمة من حد من أعضاء مجلس إدارة الأهلي، والمحترم لازم يبقى محترم قولًا وفعلًا، ووجودك فى الأهلى مرهون بإلتزامك وانت قد الفانلة الحمراء”
وواصل: ” بعدها سيد عبد الحفيظ وصل وسئل ايه اللى حصل الشناوي حكالة وكان كهربا مشى فكلمة وقاله انت فين كهربا رد قالة انا داخل على البيت قاله لف وارجع”
شاهد :-
وأكمل:” كهربا لف ورجع وفى حضور الشناوي وسيد الحفيظ ووليد سليمان كهربا اعتذر لسيد الحفيظ والشناوي، لكن الموضوع مخلصش، لأن سيد عبد الحفيظ قرر توقيع عقوبة قدرها مليون جنية على كهربا، واللاعب امثل ومشي”
وأتم: ” المليون جنيه علشان تكون قرصة ودن علشان تبقى تفويقة لكهربا لان دة مش سلوك لاعبى النادى الأهلي، ولعلها تكون جرس إنذار لكهربا واشهد ان كهربا محتاج سنه ضبط لان الفولت بتاعة عالى وكان سبب فى كهربه ماتش السوبر الأخير بين الأهلى والزمالك فى السوبر”
