هاجم المستشار مرتضى منصور رئيس نادى الزمالك اللجنة الخماسية بعد رفضها طلب نادى الزمالك بتأجيل لقاء الزمالك وسموحة في بطولة الكأس، مشيرًا إلي أن الزمالك أرسل خطاب الى اللجنة الخماسية بتأجيل اللقاء وتم رفض الطلب.
وقال “مرتضى” :”كلمت المهندس فرج عامر لتأجيل لقاء الزمالك وسموحة في كأس مصر، علشان اقدر اوفر راحة للاعبين قبل بطولة أفريقيا، وبعدها فرج عامر بعت جواب للجنة الخماسية يقول انا عاوز أجل الماتش”
وأضاف:” احنا بعتنا جواب للجنة الخماسية بطلب التأجيل وسموحة برضوا بعت جواب، وعمرو الجناينى وفضل قالوا على جثتنا، وبقولهم لا مصر دى مش عزبة، وهشام حطب اللى شغال مع الإخوان مش هسكتله”
وتابع في تصريحات لقناة “الزمالك” بحذر من غضبة الجماهير، لأننا مسيطرين على الجماهير ونقلهم دى بلدنا، ومش عاوزين نعمل فتنه في البلد”
وأعلن رئيس نادى الزمالك عن عدم خوض لقاء سموحة في الكأس ، قائلا : “احنا وسموحة مش هنلعب الماتش فى المعاد اللى أعلنه، لان سموحة طلع محترم وبعت جواب وقال عاوز أجل لكن الجنايني ومحمد فضل قالوا على جثتى، خلاص العبوا على جثتكم”
