عبدالحميد بسيوني: فشلنا فى العودة أمام الزمالك… ومايحدث فى الدوري يصعب على اللاعب المصري

استطاع نادى الزمالك فى تحقيق فوز صعب على طلائع الجيس بهدف نظيف فى المباراة التى جمعت الفريقين على أرضية استاد القاهرة الدولي، ضمن منافسات الجولة الـ25 من عمر بطولة الدوري العام الممتاز لكرة القدم.

ومن جانبه قال عبد الحميد بسيونى المدير الفنى لطلائع الجيش:” ‏مبروك للزمالك و هارد لك لطلائع الجيش، فريق طلائع الجيش محترم جداً، وعندي 9 لاعيبة مش موجودين ، ما بين ايقافات وإصابات، وعقود بينا وبين نادي الزمالك بشأن اللاعيبة المعارين، و اللي نحترمها جداً”

وأشار: “واحنا مضغوطين جداً وعملنا مجهود كبير، حاولنا نرجع للمباراة لكن للاسف ماحصلش، و اجريت عدة تغيرات عشان ازود الشراسة الهجومية واتعادل لكن ماحصلش، و هي دي الكورة”

وأضاف فى المؤتمر الصحفى عقب اللقاء:”واتمني التوفيق لينا في المباريات المقبلة ، بذلنا مجهود كبير جداً في الملعب، و فعلاً صعب جداً اللي بيحصل للاعيب المصري دلوقتي من ضغط المباريات، و احنا لعبنا ماتشات قبل كده، في عز الضهر و احنا في شهر اغسطس، لكن فعلاً صعب ان اللعب 6 مباريات في وقت قصير”.

وتابع:” بشأن التغييرات في الملعب و اللي عددها ٥ لاعيبة اكيد طبعاً حاجة كويسة و تفيد الجهاز الفني بشكل أفضل”