اعترض محمد عبد الواحد المدرب العام لوادي دجلة عن الظلم التحكيمي الذي حدث اليوم ضد فريقة من الحكم جهاد جريشة الذي الغى هدفا صحيحا لدجلة بداعي التسلل
وقال عبد الواحد عبر قناة الزمالك : ” للاسف انا كنت فاكر هدفنا الملغي اوفسايد او50 -50 لكن لما شوفتها تاني اتاكدت انها هدف صحيح وكابتن جهاد هيزعل من نفسه جدًا ”
واكمل عبد الواحد حديثة قائلا : ” الاهلي مش محتاج يتجامل !! في كرة ضربة الجراء لنا مفرض تطلع اشوف الفار ومتدناش حقنا !! لا انت مستني اي حاجه تحصل في منطقة الجزاء للاهلي عشان تحسبها ”
وقال عبد الواحد ايضا : ” الهدف الملغي صحيح اعطينا حقنا زي مالجأت للفار في الهدف الملغي كنت الجأ للفار في كرة مروان احنا بنصارع ع الهبوط والنقطة بتفرق معنا
انا مستغرب بجد من اللي بيحصل احنا كلنا مستائين جدًا حتى المدير الفني الاجنبي قالنا الوضع صعب هنا ونتمنى العدالة للكل والدوري شبه محسوم لازم تعطيني حق ومتتبصش للالوان احنا ادينا مباراة كبيرة ومكناش خايفين من الاهلي وبنخلق فرص ومبنلعبش الكور الطويله كنا بنعذر الحكام لعدم وجود فار لمن حاليا فيه ايه العذر بتاعك علشان محستبهاش اديني سبب واحد ”
واستنكر عبد الواحد رأي الخبير التحكيمي احمد الشناوي الذي اعتبر ان قرار جريشة صحيح بالغاء الهدف قائلا : ” احمد الشناوي قال الهدف صحيح انا مش فاهم ليه بتظلموا الاندية وادينا مباراة كبيرة و نتظلم انا شايف ان في مجاملة للاهلي واضحه وصريحه وهي هي لوكانت للاهلي كانت هتتحسب ومش هيلجأ للفار ولا هيطلبه ”
وأكد عبد الواحد ان لاعبي وادي دجلة ومسئولي يشعرون بالظلم والقهر قائلا : ” احنا حاسين بالظلم والقهر بسبب الغاء هدف صحيح وعدم احتساب ركلة جزاء وبتخس انه متضايق،من الاهلي اكتر انا معنديش مشكله معهم لكن الحكام بتجبرنا في كل الاندية اننا نضايق منهم ”
واكمل قائلا : ” كل الحالات الجدلية في الدوري خلال كل المواسم الطرف فيها الاهلي وكل الحكام بيجاملوا الاهلي نقعد في بيوتنا بقى وتضغطونا ليه ونلعب كل3 ايام وكمان الحكام بتجامل خلاص نقعد في بيوتنا واعطوا الاهلي ال3 نقط لكن نلعب مع المقاولون واسوان و طنطا لكن ملعبش مع الفرق الكبيرة انت بتاخذحقنا وتعطيه لهم والمدرب الاجنبي هيتجنن احنا اتظلمنا وكان راي منلعبش الدوري ولا اعرف اي سبب لاكماله ”
واطلق محمد عبد الواحد تصريح صارخ قائلا : ” والله والله والله لوالزمالك اللي متصدر بفرق13 نقطه كان الدوري اتلغى من شهر 4 ”
وأكد كلامة قائلا : ” كل الاندية. عندها احساس بالظلم من النادي الاهلي وشرف لي ان زملكاوي لكن بتكلم بصفتي مدرب ف دجلة انا بصارع ع الهبوط وتاخد مني نقط ”
واكمل قائلا : ” كلام جوزيه عن التحكيم بيأكد كلامي كان ممكن نتعادل احنا اتظلمنا ظلم بين وبطالب لجنة الحكام تراجع الحكام اللي بتجيلنا ”
واختتم نجم الزمالك السابق حديثة قائلا ” ماجد سامي له حق انه يقول تقنية العار وده اقل مايقال “
