فتح المستشار مرتضى منصور رئيس نادى الزمالك النار على أعضاء اللجنة الخماسية المكلفة بإدارة اتحاد كرة القدم، بعد إعلان توقع غرامة ماليه عليه من قبل لجنة الانضباط بالاتحاد قدرها 100 ألف جنية.
وقال “مرتضى” : ” صباح الفل عليكم وعلى المستفزين وعلى كل اللي هيموتوا من مرتضى، وفي أي عقوبة طبقت على الأهلي الفترة الماضية لا انا وقعت عليا 4 عقوبات من أول مباراة السوبر المصري اللي محضرتهاش ورفعت الجزمة فى وشهم”
وأشار:”انتم جايين لهد الزمالك وهد حيل مرتضى، وهوانا تاعب مين اوي كده ودايس على مين اوي كده، ولا شعرة من راسي اتهزت بقرار لجنة الانضباط ولما سمعتها
وأضاف في تصريحات لبرنامج “زملكاوي” على قناة “الزمالك” : “جبت أحمد عادل عبدالفتاح والحسيني سميروكسبتهم في السله، ياعمرو يا جنايني ياللي انا مخلص عليك بالقانون، بص يا عمرو جنايني بربيك بماتش سلة بدراعي انت ومحمد فضل”
وتابع:” رد فعلي أن بضحك عليكم 7 قرارت ضدي ورئيس دولة بيتابع ويترفع له تقارير من أجهز الدولة اللي بيقولوا له ده كيدي، ورد فعلي سهل جدًاالخطه استفزاز في ناس عاوزه تنضرب السبحة في أيدي وبصلي الفجر حاضر، وبطلت اضرب، وقولت لوزير العدل انا مش هغلط فى اى مستشار، وانا عاوز اعرف عاقبتني ليه بـ100ألف انا دوست على ديل مين في الاتحاد وهوهو”.
وواصل:”انا مش هدفع انت تملك القانون والدستور ودوست عليهم وفي حكم من الادارية العليا انه لايجوز هيئة رياضية تعاقب هيئة اخرى، انت عاوزني اغلط مش هغلط”
وأكمل:” يوم20 /9 هنفذ 20 قرار ضد 19 محل منهم البنك اللي انت شغال فيه استولى على أموال من الزمالك، هل عندكم لائحة بتقول أن بند يعاقب رئيس نادي استندت على ايه، عندكم حكم فاسد”
وأردف :” ايه التنطيط ده وانت جاي معين ومدتك خلصت وكدبت على الفيفا وقولتلهم الانتخابات بعد سنة وقالولك يا مضلل مفيش كده واخر يوم، وايه التوبيخ ده هتجيب طارق بتاع المصري هتشده من ودن عمل ايه، لما عضو في الأهلي شتم وزير محترم واللي قاله جملة في منتهى البذاءة، وانت خدت الدرع ونمت تحت رجلهم”
