فتح المستشار مرتضى منصور رئيس نادى الزمالك النار أحمد كشري المدير الفنى لنادى أسوان عقب تصريحاته بعد مباراة الفارس الأبيض أمام أسوان مساء الجمعة.
وقال “مرتضى” :” عايز اقول لكشري انا ملعبتش الزمالك امبارح انت لاعبت 4 من الزمالك وانت لو شفت بن شرقيى وساسي وأوناجم هتتخض، انت مشفتش الزمالك امبارح اللى لاعبوك امبارح دول مش الزمالك
وأضاف ” مرتضى” في تصريحات لقناة “الزمالك” :” أنت كشرى بالتقلية ولا من غير تقبله، كشرى بالشطة ولا من غير الشطة، انت كسبت الزمالك بالحكم وكورة من فاول، متفتحتش صدرك قوى ياحبيبى، وفجأة بقيت مش بتخسر ولا ماتش”
وتابع:” انت مين يلا اللى وقفت على الكرة واحنا احترمنا نادى أسوان ورئيسة، والزمالك غلب أسوان بـ10 لاعبين في الدور الأول، وخليك فى حجمك ولو اسمك جمبرى كنت هتعمل فينا ايه، ده انت كشرى”
وواصل:” و أكيد بنتمنى أسوان تكمل في الدوري،إحنا لاعبنا أسوان بـ 4 لاعيبة بس طارق حامد و الونش و محمود علاء و مصطفي محمد، و جنش راجع من الإصابة، انت كنت بتتغلب يا كشري من طوب الأرض، فجأة ماخسرتش ولا ماتش، و رضا عبد العال قالك إحنا لاقينا سحر في طنطا، السحر في القرأن يا جماعة ، و طنطا كان بيخسر عالطول بسبب السحر ، و أسوان بقت بتكسب عالطول بسبب السحر يا كشري، إحنا إحترمنا فريق إسمه أسوان عشان محافظة أسوان و رئيس نادي أسوان”
