شن المستشار مرتضى منصور رئيس نادى الزمالك هجوم نارى على أعضاء اللجنة الخماسية بعد إعلان لجنة الانضباط إيقافها لرئيس نادى الزمالك
و أصدر اللجنة قرار بـ منع مرتضى منصور رئيس نادي الزمالك من المشاركة في أنشطة كرة القدم لمدة 6 مباريات وغرامة مالية قدرها 200 ألف جنيه.
وقال “مرتضى” : ” لجنة الانضباط فيه ناس محترمين مش هتعرض لهم، لان ده بيتى وانا من ساعة ما تخرجت وانا شغال فى النيابة واشتغلت فى كل المحافظات فى النيابة”
وأشار:” انت جبت منين انى ادفع 200 ألف جنيه وإيقاف 6 مباريات، يعنى ازاى محضرش ماتش لناديا، وانا تاعبك قوى يلا، وانت مالك يا عمرو يا جناينى هايج فينا كده ليه، وانا مستعد اجيلك البنك واخد وانزل”
وأضاف في تصريحات لبرنامج “زملكاوي” : ” وليه 6 ماتشات ماتخليهم 5 أو 4، وايه الهبل اللى انتوا عايشين فيه ده، وفين وزير الشباب والرياضة وبقلة حضرتك مسؤل عن اتحادات الرياضية”.
وتابع:” لازم الوزير يجيبه ويقوله انت بتجيب العقوبات دى منين واللوائح الرياضية تنص على أن وزير الشباب والرياضة هو المسؤول عن مراقبة الاتحادات الرياضية ومدى تطبيقها للقوانين”
وواصل:” اللى انت بتعمله ده هزار، ومينفعش دولة قانون يكون فيها الهزار ده، وطبقا لقانون الرياضة فان الهيئات الأربعة الرياضية اللى من ضمنها الاتحادات والأندية اللائحة بتقول مينفعش هيئة تعاقب هيئة تانى مثيله لها واللى المفروض يعاقب هو الجمعية العمومية”
وأتم:” انت فاكر انك بتخوفني ده انت عارفنى وحافظنى، وممدوح عباس جابك مخصوص علشان تشطب عضويتى تانى يوم الصبح، وانت ناسى لما كنت بتيجى تشحت منى تذاكر انت وابنك”
