كشف الإعلامي مهيب عبد الهادي كواليس الخناقة التى حدثت بين محمود عبد المنعم “كهربا” ومحمد الشناوي ثنائى النادي الأهلى فى مران الفريق صباح الأربعاء.
وقال “مهيب” : ” النهارده صحينا على خناقة بين كهربا والشناوي في حضور سيد عبدالحفيظ مدير الكرة، وهيقولوا بتكلم عن مشاكل ده خبر من النادي الاهلي اللي قولته”
وأشار: ” مين فتح باب الجدال عن ما حدث اللي عمل كده اللي خرج الخبر من الأهلي وبسرعة الصاروخ، وده جديد في الأهلي أن الخبر يتنشر وقت حدوثه”
وأضاف “مهيب” خلال تقديمة حلقة جديدة من برنامج “اللعيب” : ” روايتنا مختلفة لأن هنقول اللي حصل والكواليس، وفيه مشكلة في الأهلي بسبب خروج المشكلة وهناك ناس متربصة بسيد عبد الحفيظ من داخل الأهلي، والموضوع حدث جلل لانه كبير وعمري ماشوفت غرامة مليون جنيه عمرها ماحصلت في التاريخ”.
وتابع: ” كهربا غلط، وزودها ودي مينفعش مع الأهلي وقالوا مليون جنيه ليه عمل ايه، كهربا من 4 شهور مبيحلصش على مستحقاته وعنده ضغوط أسرية وضغوط في الأهلي بسبب الإيقافات وعدم المشاركة غرفة الملابس في الأهلي فقدت عناصر مؤثرة ومنهم إكرامي وسعد سمير”.
وواصل: ” من شهر أو من أسبوعين كهربا نزل على الانستجرام هدف أحرزه في الشناوي اثناء التدريب والشناوي اتضايق وزعل واشتكى وازاي ينزل الهدف”
وعن كواليس ما حدث فى مران الأربعاء أوضح “:كهربا كان بيهزر في غرفة الملابس وصوته علي الشناوي قاله وطي صوتك قاله مش هاوطي انت ايه قاله انا الكابتن قاله ع نفسك وفي ألفاظ و حاجات متنفعش تتقال”
وأكمل: ” سيد عبد الخفيظ تدخل وفايلر رفض ينزل التدريب كهربا مشي لما وليد سليمان قاله في ايه انت مبتكبرش لحد، ورجع تاني واعتذر كان ممكن محدش يعرف لكن في مشكلة في الأهلي وعمرها ماحصلت ان حد طلع خبر المشاكل بالأهلي”
وواصل: ” اتكلمنا عن ساسي وحازم لان كان في انفعال ونرفزة ملعب وخلص انت عاقبت اللاعب وأعلنت وصدرت المشهد للناس أن في كارثة واللي تصدر المشهد سيد عبدالحفيظ وقالوا له متدخلش”.
وأوضح “مهيب” : ” كهربا حزين لان محدش واقف جانبه وقال انا اتحملت كتير علشان اجي الأهلي وضحى كتير ومافيش، مقابل في الأهلي ساب نادي كبير زي الزمالك وبيلعب اساسي، انت واخد كهربا و عارف هو مين،وهو محتاج معاملة خاصة”
وأتم:” كهربا مهيبر وبيعمل حاجات عفوية كهربا طيب ولازم يهدى لانه بيخسر حاجات بسبب تصرفاته رغم أن البعض يلتمس له العذر بسبب ظروفه الأسرية”
