أكد محمد صلاح نجم الزمالك السابق، أنه لايمكن لأحد التوقع بنجاح المدير الفنى للزمالك الجديد البرتغالي جيمي باتشيكو او فشلة، مشيرًا إلى أن الظروف التى سيتولى فيها البرتغالى تختلف عن العام الماضي.
وكان محمد صلاح قد عمل فى جهاز باتشيكو خلال فترته الأولى مع نادى الزمالك عام 2015.
وقال “صلاح” :” باتشيكو مدرب شخصيتة قوية جدًا ومحدش يقدر يتدخل في شغلة، محدش يقدر يتنبأ بنجاح الراجل من عدمه الفريق اللي هيمسكة حاليا احسن من الفريق اللى كان قبل كده، ومش عارف فترة الـ3 سنين اللى قعدها دى هتأثر عليه ولا لا احنا مسمعناش حاجة عنه من بعد السعودية”
وأضاف في تصريحات لبرنامج “البريمو”:” لا أعلم سبب استبعادي عن الجهاز المعاون، الأمر متروك لمجلس الإدارة، ولا يوجد خلاف بينى وبين فاروق جعفر حتى يتم استبعادي من الجهاز المعاون لـ باتشيكو”
وتابع:” أنا كنت موجود قبل مايجي باتشيكو ولما جه كنت المصري الوحيد اللى فى الجهاز وبعدها سلمنا الفريق لفيريرا بفارق 8 نقاط عن إنبي صاحب المركز الثاني وقتها لأن الأهلي كان بعيد عن الصورة تمامًا و خدنا الدوري بفارق 8 نقاط فى النهاية والكأس مع فيريرا”
