أحمد حمدى يفتح النار على مسئولي الجونة ونادر شوقي :” يدعون تطبيق الإحتراف.. ومش هقدر اكمل معاهم”
أكد أحمد حمدي لاعب نادي الجونة أن هناك بعض الأشخاص يدعون تطبيق الإحترافية دون تطبيقها، مشيرًا إلى أنه انضم لنادى الجونة العام الماضى من أجل إنقاذ الفريق من الهبوط.
وقال “حمدي” :”قعت مع حسام غالى وقالولى احنا ناس محترفة و هنساعدك، وعلى الرغم من أن كان عندى عروض من اماكن كتير فضلت اتعامل مع ناس بتحرم تعاملها وتكون محترمة”
وأضاف في مداخلة مع برنامج “الماتش” على قناة “صدى البلد” :” اول ما رجعت النادي الأهلي الموسم الماضى، تفاجأت بنادي معين بيكلمنى وقالى احنا اشترناك من النادي الأهلي في صفقة تبادلية والأهلي قالولى وافق على الصفقة علشان الموضوع يتم، والأهلى قالولى هات عرض وبالفعل جبت عرض لكن الأهلى خاف انى اكون واخد النادى ده كوبرى عشان أرجع تاني على مصر”
وتابع:” حاليا فيه عرض من نادى روبن كازان الروسي، لكن الناس في الجونة قالوا عندنا ماتش صعب ومش فاضيين، على الرغم انه يتم استبعادي خلال الفترة الماضية لأسباب غير معروفة، والكابتن نادر شوقى وحسام غالى فيه حالة غريبة كل شوية يختفوا ومش بعرف أوصلهم علشان اخد منهم الرد بالموافقة أو الرفض”
وواصل:” العرض وصل رسميًا لنادى الجونة وهو عرض لمدة موسم عرض شراء نهائى وليس إعارة، ومش عارف ليه مسئولى الجونة متجاهلين الرد عليا على العرض بحاول اوصلهم مش عارف وده مش إحتراف فى التعامل وانا مستاء وبعد الموقف ده مش هقدر ادى النادي حاجة”
