أحمد فهمي يحكي تفاصيل خناقته مع شيكابالا في مداخله تلفزيونيه مع عمرو أديب – فيديو
روى الفنان أحمد فهمى كواليس الخناقة بينه وبين محمود عبد الرازق شيكابالا قائد الفريق الأول لكرة القدم بنادي الزمالك مساء أمس الجمعة، مشيرًا إلى أن سبب هجومه على شيكابالا هو تطاوله على جمهور النادي الأهلي.
وقال “فهمي”: “شيكابالا لما كان في البرتغال كلمنى علشان أتوسط له عند مجلس إدارة النادي الأهلي علشان يرجع يلعب في الأهلي، وكلمت صديقي هشام أخو العامرى فاروق علشان شيكابالا يرجع للأهلي ولكن مجلس الأهلي رفض”.
وأشار :” جه ماتش السوبر وشيكابالا غلط في جمهور الأهلي، وانا غضبت من ده جدًا، لأنى متربي فى الأهلي وأنا متربي فى الأهلي وانا عندى 6 سنين، بعدها كتبت بوست ارد عليه وقلتله متضحكش على جمهور الزمالك وانت كنت عاوزنى اتوسط لك ترجع الأهلي وشيكابالا زعل جدا ومن حقه علشان انا اتسرعت، وبعدها شلت البوست وبعتله مع كل الناس اعتذرتله”.
شاهد:
وأضاف “فهمي” في مداخلة مع برنامج الحكاية مع الإعلامي عمرو أديب “بعدها طلعت في قناة الأهلي واعتذرتله في برنامج هاني رمزي، بعدها نزلت بوست عندى قولت أنا ضد العنصرية ضد شيكابالا وابنه، ولو أنا بحاول اخد اللقطة كنت اتخانقت مع حازم إمام”
وعن كواليس مع حدث قي فرح أمس أوضح قائلا :”اللى حصل انا داخل مع مراتى ومصطفى سيف العماري قالى شيكا هنا تعالى نسلم عليه ونخلص الموضوع، روحت أسلم عليه رد السلام وهو مضايق وكان نادر حمدى موجود وسيف العماري موجود”.
وتابع :”شيكابالا قالى انا كنت اقدر اعمل اللى انت عملتة بس مرضتش، قولته وانا عملت اية، قالى انت فاهم انت عملت اية، وقالى احنا اكلنا فى طبق واحد وقلتله خلاص يا شيكا”.
وواصل :” قولته انت شتمت ناس تخصنى، قالى نعم ناس تخص قصدك جمهور الأهلي طب كذه جمهور الأهلى وكذه الأهلي واى حد يشجع النادي الأهلي، وانا بالنسبالى أهم حاجة جمهور الأهلي لو مستقبلى هيضيع، بعدها انا مشفتش قدامي وانا رديت شتيمة النادي الأهلي في وشة وقلتله كل الحاجات اللى بيحبها”
شاهد:
وواصل :” بعدها جالى كل الزملكاوية ومنهم امير مرتضى منصور وقالى ميصحش احنا في فرح وقلتله انا جمهور الأهلي اتشتم وانا مشتمش جمهور الزمالك قولتلهم انا خلاص مش هعمل حاجة”.
وأكمل:”الحمدلله ان كريم مكنش موجود وبعدها وقفت مع حازم إمام وقالى متزعلش يافهمي، حاولوا يصالوحنا تاني انا رفضت، وانا شتمت جامد جدًا جدًا وبصوت عالي وهو اتصدم”
وأتم : “لو عاوز اعمل لقطة مش هعمل كده مع واحد المتابعين بتوعة ميجوش ربع اللى عندى انا عندى 4 اضعاف اللى عندة شيكا وكنت عملت كده مع حازم إمام مثلا، وشيكا قالى انت بتتحامي فى جمهور الأهلي ولو انا واقع فشرف ليا ان يكون جمهور الأهلي هو اللى شايلني”.
