فتح أمير مرتضى منصور المشرف العام على الكرة بنادى الزمالك النار على اللجنة الأولمبية بعد قرار وقف المستشار مرتضى منصور رئيس نادي الزمالك لمدة 4 سنوات بالإضافة إلى توقيع غرامة مالية علية في البيان الذي أصدرته اللجنة مساء أمس الأحد.
وقال “أمير” عقب لقاء الزمالك وسموحة في بطول كأس مصر ” :بشكر اللاعبين الرجالة أنهم فى الظروف دي ويطلع خبر العبس بتاع اللجنة الأولمبية والناس ربنا يكرمهم وقدروا انهم يلموا نفسهم، والمستهدف هو نادي الزمالك”.
وأشار :” دى مش ظروف كورة ورياضة وكل كل يحصل على عراقيل، وكلمت رئيس لجنة المسابقات علشان اقوله ازاى هنلعب يوم 12 ونسافر يوم 13 قالى عادى وايه المشكلة”.
وأضاف “أمير” عبر قناة الزمالك : “الجمهور بقى عنده وعى أكتر وكل الناس فى الزمالك بقت متجمعة على شيء واحد، والموسم ده بالنسبالى موسم فاسد، واتحاد الكرة بعتلنا قبل 20 ساعة من المباراة يقولى غير الإعلانات علشان فيه رعاه جداد”.
وتابع:”ومش عارف ليه احنا بنلعب فى الإسماعيلية ومش فاهم ايه لازمة التعند ده، ونادى الزمالك كبير ومش هيقع واللى بيحصل مش هيهز شعرة واحدة من أصغر مسؤول في الزمالك”.
وواصل :”اللاعيبة عندهم وعى كبير باللى بيحصل وهم جزء من النادي، وكلنا فى مركب واحدة، وهما عارفين ان اللى بيحصل ده مستهدف بيه نجاحتهم وكان عندهم تركيز انهم يحققوا الفوز بعد اللى حصل إمبارح”.
وأكمل :”الموضوع واضح للناس كلها، واللجنة الأولمبية بتقول تجاوزات رئيس الزمالك شوبير ضرب واحد على الهواء وتانى يوم طلع الهواء عادي، وليه إمام عاشور ياخد وقف مباراة علشان عمل ترقيصة”.
وأتم :”القصة اننا نخلص على مرتضى منصور ومجلسه بدل مايقعد معانا 4 سنين كمان، والجمعية العمومية فى الزمالك هى اللى ليها الحق تختار رئيس نادي الزمالك، وكان الموضوع عزبة ومرتضى منصور هو اللى نصف العزبة دى”.
