بعد لقاء قيادات الوايت نايتس مرتضى منصور :” أقسم بالله مكنتش أعرف بأحداث الدفاع الجوي” – صور

عرض قناة نادي الزمالك جانبًا من لقاء عدد من قيادات الوايت نايتس الزملكاوي مع المستشار مرتضى منصور رئيس النادي، وذلك من أجل تأييده بعد قرار اللجنة الأولمبية الأخير بوقفة لمدة 4 سنوات.

وقال “مرتضى” :”لو كان الكلام اللى بيتردد ده صحيح أن رئيس مجلس الوزراء هو اللى وراء القصة دى انا مش هصدق والدكتور مدبولى لازم يطلع يوضح الكلام ده”.

وأشار :”احنا خايف عليكم ومحدش فيكم ينزل، وانا متبرع بـ17 مليون ونصف للنادي ومحدش يقدر يقول عليا فاسد وعملت نادي عالمي وعملت نادي عالمي وعملت قناة وبدأت في فرع أكتوبر”.

وأضاف “مرتضى” خلال فيديو نشرتة قناة الزمالك : “عندى مشكلة مع قطر وتميم وجاتلى رسايل قبل صدور القرار بـ10 اتقالى فيها اللجنة الأولمبية هتطلع قرار”.

وتابع:”معالى رئيس الوزراء طلع بيان علشان الكلاب بيروجوا وراء المواضيع دى وانا بقول استحالة ده يحصل، ومعنديش حاجة اسمها جمهور الزمالك والوايت نايتس مدام المجموعة دى فاقت على راسى ونشجعهم لكن لا نقبل اى خروج عن النص”.

وواصل : “اقسم بالله العظيم يوم الدفاع الجوى مكنتش اعرف ان فيه حد توفى ودخل معايا 3 الألف واحد ولو كنت اعرف ان حد توفى كنت مشيت، ولو عايز اخلص من الوايت نايتس اقلكم انزلوا واشتبكوا مع قوات الشرطة لكن انا خايف عليكم”