فتح المستشار مرتضى منصور رئيس نادى الزمالك النار على المهندس هشام حطيب رئيس اللجنة الأولمبية وذلك بعد قرار اللجنة بإيقاف رئيس نادي الزمالك لمدة 4 سنوات بالإضافة لتوقيع غرامة مالية عليه.
وفجرت اللجنة الألمبية المصرية مفاجأة من العيار الثقيل منذ قليل وذلك بعد إعلانها عن إيقاف المستشار مرتضى منصور رئيس نادي الزمالك ومنعه من تمثل نادي الزمالك خلال فترة الإيقاف مع الدعوة لجمعية عمومية لانتخاب رئيس مؤقت للزمالك !!
وقال “مرتضى” : “مرتضى منصور هو رئيس نادى الزمالك غصب عن هشام حطب ولجنته، وانا جاتلى رسايل من قطر اخبرتنى انه سيتم توقيع عقوبة الإيقاف ضدى، وقطر لن تستطيع أن تغير مبادئ مرتضى منصور”.
وأشار : ” القصة مش مرتضى منصور أو الزمالك، وأنا عندى جوابات طالعة من هشام حطب لحسن مصطفى ومنهم لقطر، وانا جبت الجوابات من مكاتبهم، والقصة بدأت من عام 2005، وهشام حطب متهرب من التجنيد، وأنا مش هكسن، لانى مش بخاف لأنى إلا من اللى خالقني بس”.
وأضاف “مرتضى” في تصريحات لبرنامج “زملكاوي” على قناة “الزمالك” :” حسن مصطفى مش قادر ينسى اللى انا عملته فيه في عزاء قبل كده، وانا بدور عليه حليا مش لاقيه، وانا مش بخاف لأني عندى قوة المستغني، وبقول لوزير الشباب والرياضة ياريت تدخل “.
وتابع:” أنا عمري ما شتمت محمود الخطيب انا اللى كل اللى بقوله هل اخدت فلوس من السيد تركي آل شيخ ولا لا وهل رجع الساعات اللى خدها ولا لا، واللى بيحصل ده رسالة ربانية لاجهزة الدولة أن اللى بيحصل معايا ده مينفعش، ولازم البلد تفوق”
